ଇସଲାମାବାଦ,୨୫।୮: କ୍ରାଉନ୍ ପ୍ରିନ୍ସ ଶେଖ୍ ମହମ୍ମଦ ବିନ ଜାୟଦ ଅଲ ନାହୟନ ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ୟୁଏଇର ସର୍ବୋଚ୍ଚ ନାଗରିକ ସମ୍ମାନ ‘ଅର୍ଡର ଅଫ୍ ଜାୟଦ’ରେ ସମ୍ମାନୀତ କରିଛନ୍ତି। ଏହାପରେ ମୋଦି କହିଛନ୍ତି ଏହି ସମ୍ମାନ ଦୁଇ ଦେଶ ମଧ୍ୟରେ ସୁରକ୍ଷା, ଶାନ୍ତି ଓ ସମୃଦ୍ଧି ପାଇଁ ଉଦ୍ଦିଷ୍ଟ। ଏହା ମୋର ସମ୍ମାନ ନୁହେଁ ୧.୩ ଅରବ ଭାରତୀୟଙ୍କ ସମ୍ମାନ। ଆଉ ଏବେ ଏହା ଜାଣିବା ପରେ ପୁଣି ରାଗରେ ଲାଲ ହେଲାଣି ପାକିସ୍ତାନ। ମୁସଲମାନଙ୍କ ଦେଶ ୟୁଏଇ କେମିତି ମୋଦିଙ୍କ ଭଳି ଜଣେ ପ୍ରତାରକଙ୍କୁ ସମ୍ମାନୀତ କରିଛି ବୋଲି ପାକିସ୍ତାନୀ ସୋସିଆଲ ମିଡିଆ ୟୁଜର୍ସ ନିଜ ନିଜର ମତ ପ୍ରକାଶ କଲେଣି। କେହି କେହି କହିଛନ୍ତି ୟୁଏଇର ଏହି କାମ ଇତିହାସରେ ଲିପିବଦ୍ଧ ହୋଇ ରହିବ। କାରଣ ଭାରତ କଶ୍ମୀର ସମସ୍ୟାକୁ ସମାଧାନ ନ କରୁଥିବା ବେଳେ ୟୁଏଇ ମୋଦିଙ୍କୁ କେମିତି ସମ୍ମାନୀତ କରୁଛି ବୋଲି ୟୁଜର୍ସମାନେ ପ୍ରଶ୍ନ କରିଛନ୍ତି। ତେଣୁ ଏମିତି କେତେଜଣ ପାକିସ୍ତାନୀ ସୋସିଆଲ ମିଡିଆ ୟୁଜର୍ସଙ୍କୁ ଦେଖିବା ପରେ ଲାଗୁଛି ଏବେବି ପାକିସ୍ତାନ କଶ୍ମୀରରୁ ହଟାଯାଇଥିବା ଅନୁଚ୍ଛେଦ ୩୭୦କୁ ନେଇ ରକ୍ତ ଚାଉଳ ଚୋବାଉଛି।