ଶ୍ରୀନଗର, ୪।୮: ଜମ୍ମୁ-କଶ୍ମୀରରେ ଲୋକଙ୍କ ମଧ୍ୟରେ ସୃଷ୍ଟି ହୋଇଥିବା ଅଜଣା ଆତଙ୍କ ନେଇ ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମାଲୋଚନା କରିଛନ୍ତି। ରାଜ୍ୟରେ ସୃଷ୍ଟି ହୋଇଥିବା ଏଭଳି ସ୍ଥିତି ଲାଗି ମୋଦି ହିଁ ଦାୟୀ ବୋଲି ସେ ଟୁଇଟ୍ କରି ଅଭିଯୋଗ କରିଛନ୍ତି। ମୋଦିଙ୍କ ମାନବିକତା କୁଆଡ଼େ ଗଲା ବୋଲି ମେହବୁବା ପ୍ରଶ୍ନ କରିଛନ୍ତି। ଲୋକଙ୍କୁ ଏଭଳି ଭୟଭୀତ କରାଇବା ଅତ୍ୟନ୍ତ ଅମାନବୀୟ। ଏହାଦ୍ୱାରା ରାଜ୍ୟର ସ୍ଥିତି ଅଧିକ ବିଗିଡ଼ିବାର ଆଶଙ୍କା ଥିବା ସେ କହିଛନ୍ତି।