ନୂଆଦିଲ୍ଲୀ,୩।୧୨: ମହାରାଷ୍ଟ୍ରରେ ସରକାର ଗଠନ ନେଇ ସଙ୍କଟ ଦେଖାଦେଇଥିବାବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏନ୍ସିପି ମୁଖ୍ୟ ଶରଦ ପାଓ୍ବାର ଭେଟିଥିଲେ। ଏହି ଗୁପ୍ତବୈଠକରେ କେଉଁ କେଉଁ ପ୍ରସଙ୍ଗ ଉପରେ ଆଲୋଚନା ହୋଇଥିଲା ସେ ନେଇ ଶରଦ ପାଓ୍ବାର ସୂଚନା ଦେଇଛନ୍ତି। ଏକ ମରାଠି ଟିଭି ଚ୍ୟାନେଲ୍କୁ ସାକ୍ଷାତ୍କାର ଦେଇ ପାଓ୍ବାର ଏହା କହିଛନ୍ତି। ମୋଦି ମିଳିମିଶି କାମ କରିବାକୁ ପ୍ରସ୍ତାବ ଦେଇଥିଲେ। ଏହା ସହିତ ପାଓ୍ବାରଙ୍କ କନ୍ୟା ସୁପ୍ରିୟା ସୁଲେଙ୍କୁ କ୍ୟାବିନେଟ୍ ମନ୍ତ୍ରୀ କରିବାକୁ ମଧ୍ୟ ପରାମର୍ଶ ଦେଇଥିଲେ। ତେବେ ଏହାର ଉତ୍ତରରେ ପାଓ୍ବାର କହିଥିଲେ ଯେ, ବ୍ୟକ୍ତିଗତ ସମ୍ପର୍କ ଯେଭଳି ଭଲ ରହିଛି ସେହିିଭଳି ରହିଥାଉ। ମାତ୍ର ମିଳିମିଶି କାମ କରିବା ଅସମ୍ଭବ। କିନ୍ତୁ ବୈଠକରେ ପରବର୍ତ୍ତୀ ରାଷ୍ଟ୍ରପତି ପ୍ରାର୍ଥୀ ନେଇ କୌଣସି ଆଲୋଚନା ହୋଇ ନ ଥିବା ପାଓ୍ବାର କହିଛନ୍ତି। ପାଓ୍ବାରଙ୍କ ଏହି ଟିଭି ସାକ୍ଷାତ୍କାର ନେଇ ରାଜନୈତିକ ମହଲରେ ଏବେ ଚର୍ଚ୍ଚା ଜାରି ରହିଛି।