ନୂଆଦିଲ୍ଲୀ,୮।୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କ ଶହେ ଦିନର ସଫଳତା ସମ୍ପର୍କରେ ୧୭ କେନ୍ଦ୍ରମନ୍ତ୍ରୀ ଦେଶର ବିଭିନ୍ନ ସ୍ଥାନରେ ଆୟୋଜିତ ହେବାକୁଥିବା କାର୍ଯ୍ୟକ୍ରମରେ ବେଖାଣିବେ। ସେପ୍ଟେମ୍ବର ୯ ଏବଂ ୧୦ରେ ଏନେଇ ବିଭିନ୍ନ ସ୍ଥାନରେ କାର୍ଯ୍ୟକ୍ରମ ଆୟୋଜିତ ହେବ। ଜମ୍ମୁ, ଶିମଲା, ଚଣ୍ଡିଗଡ଼, ମୁମ୍ବାଇ, ରାଞ୍ଚି ସମେତ ଅନ୍ୟ ସ୍ଥାନରେ ମଧ୍ୟ କାର୍ଯ୍ୟକ୍ରମ ଅନୁଷ୍ଠିତ ହେବ। ମୁମ୍ବାଇରେ ସଡ଼କ ପରିବହନ ମନ୍ତ୍ରୀ ନୀତୀନ ଗଡ଼କରୀ ଏହି ଉପଲକ୍ଷେ ଆୟୋଜିତ କାର୍ଯ୍ୟକ୍ରମରେ ଯୋଗଦେବେ। ସେହିପରି ମହିଳା ଓ ଶିଶୁ ବିକାଶ ମନ୍ତ୍ରୀ ସ୍ମୃତି ଇରାନୀ କୋଲକତାରେ ଏକ କାର୍ଯ୍ୟକ୍ରମରେ ଯୋଗଦେଇ ସରକାରଙ୍କ ଶହେ ଦିନର ରିପୋର୍ଟ କାର୍ଡ ସମ୍ପର୍କରେ ଜଣାଇବେ। ଚେନ୍ନାଇରେ ହେବାକୁଥିବା କାର୍ଯ୍ୟକ୍ରମରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଯୋଗଦେବେ। ସେହିପରି ରାମବିଳାସ ପାସଓ୍ବାନ ପାଟନାରେ, ରବିଶଙ୍କର ପ୍ରସାଦ ଅହମ୍ମଦାବାଦ୍ରେ, ହରସିମ୍ରତ କୌର ବାଦଲ ଚଣ୍ଡିଗଡ଼ରେ, ଥାଓ୍ବରଚାନ୍ଦ ଗେହଲଟ୍ ରାୟପୁରରେ, ଅର୍ଜୁନ ମୁଣ୍ଡା ରାଞ୍ଚିରେ ହେବାକୁ ଥିବା କାର୍ଯ୍ୟକ୍ରମରେ ଯୋଗଦେବେ। ସେହିପରି ମୁକ୍ତାର ଅବ୍ବାସ୍ ନକଭୀ ଆହ୍ଲାବାଦ୍ରେ, ପ୍ରହଲାଦ ଯୋଶୀ ଗୋଆରେ, ଗଜେନ୍ଦ୍ର ସିଂ ଶେଖାଓ୍ବତ୍ ଜୟପୁରରେ, ରମେଶ ପୋଖରିୟାଲ୍ ଡେରାଡୁନ୍ର ନିଶଙ୍କରେ, ଜିତେନ୍ଦ୍ର ସିଂ ଜମ୍ମୁରେ, ରାଜକୁମାର ସିଂ ହାଇଦ୍ରାବାଦ୍ରେ, ମନସୁଖ୍ ଏଲ୍. ମାଣ୍ଡଭ୍ୟ ଭୁବନେଶ୍ୱରରେ, ଅନୁରାଗ ଠାକୁର ଶିମଲାରେ ଏବଂ ନରେନ୍ଦ୍ର ସିଂ ତୋମର ଗ୍ବାଲିୟରରେ ହେବାକୁ ଥିବା କାର୍ଯ୍ୟକ୍ରମରେ ଯୋଗଦେଇ ମୋଦି ସରକାରଙ୍କ ସଫଳତା ସମ୍ପର୍କରେ ସୂଚନା ଦେବେ।