ନୂଆଦିଲ୍ଲୀ, ୧୭।୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିବାହକୁ ନେଇ ବହୁଜନ ସମାଜ ପାର୍ଟି ସୁପ୍ରିମୋ ମାୟାବତୀ ଦେଇଥିବା ମନ୍ତବ୍ୟ ଉପରେ ବର୍ଷିଛନ୍ତି କେନ୍ଦ୍ର ମନ୍ତ୍ରୀ ରାମଦାସ ଅଠାଓ୍ବାଲେ। ସେ କହିଛନ୍ତି, ମୋଦି ଏବଂ ତାଙ୍କ ସ୍ତ୍ରୀଙ୍କ ଉପରେ ଟିପ୍ପଣୀ କରୁଛନ୍ତି ମାୟାବତୀ, କିନ୍ତୁ ଆଜି ପର୍ଯ୍ୟନ୍ତ ନିଜେ ବିବାହ କରିନାହାନ୍ତି। ପରିବାର କ’ଣ ସେ ଜାଣି ନାହାନ୍ତି, ସେ ବିବାହ କରିଥିଲେ ଜାଣିଥାନ୍ତେ ସ୍ବାମୀଙ୍କୁ କେମିତି ସମ୍ଭାଳନ୍ତି। ସେ ଆହୁରି ମଧ୍ୟ କହିଛନ୍ତି, ମୁଁ ମାୟାବତୀଙ୍କୁ ସମ୍ମାନ କରୁଛି, କିନ୍ତୁ ସେ ଏଭଳି ବୟାନ ଦେବା ଦୁର୍ଭାଗ୍ୟପୂର୍ଣ୍ଣ। ସୂଚନାଯୋଗ୍ୟ, ରାଜସ୍ଥାନ ଅଲଓ୍ବର ଗଣବଳାତ୍କାର ଘଟଣାରେ ମାୟାବତୀ ମୋଦିଙ୍କ ଉପରେ ବର୍ଷିଥିଲେ। ଯିଏ ନିଜ ସ୍ବାର୍ଥ ପାଇଁ ସ୍ତ୍ରୀଙ୍କୁ ଛାଡି ଦେଉଛନ୍ତି ସେ ମା-ଭଉଣୀଙ୍କୁ କେମିତି ଇଜ୍ଜତ ଦେବେ ବୋଲି ସେ କହିଥିଲେ।