ବଡବିଲ, ୧୫।୪(ସ୍ବ.ପ୍ର.)-କେନ୍ଦୁଝର ଜିଲା ବଡବିଲ ପୋଲିସ ଏକ ମୋବାଇଲ ଟାୱାରରୁ ଚୋରି ଅଭିଯୋଗରେ ୨ଚୋରଙ୍କ ସହ ଜଣେ ରିସିଭରଙ୍କୁ ଗିରଫ କରି ମଙ୍ଗଳବାର କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତଙ୍କ ମଧ୍ୟରୁ ଦୁଇ ଜଣ ହେଲେ ବଡବିଲ ସେଡିଂ ବସ୍ତି ଅଞ୍ଚଳର ଶ୍ରୀନାଥ କାରୁଆ, କେ ଅଲ୍ଲୀ ବସ୍ତିର ଏମଡି ଜିସାନ ଏବଂ ଚୋରି ତମ୍ବା ତାର ରିସିଭ କରିଥିବା ଅଭିଯୁକ୍ତ ହେଲେ ଅମୁଲ ଦାସ। ସୂଚନା ଅନୁଯାୟୀ, ବଡବିଲ ଥାନା ଠାକୁରାଣୀ ଅଞ୍ଚଳରେ ଥିବା ଏକ ଘରୋଇ କମ୍ପାନୀ ମୋବାଇଲ ଟାୱାରରୁ ଚୋରି ହୋଇଥିବା ନେଇ ବଡବିଲ ଥାନାରେ ଗତ ୧୨ତାରିଖରେ ଏକ ମାମଲା ରୁଜୁ ହୋଇଥିଲା। ପୋଲିସ ତଦନ୍ତ କରି ଘଟଣାରେ ସଂପୃକ୍ତ ତିନି ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି।