ମୋର ଦ୍ୱିତୀୟ ଥର ରାଷ୍ଟ୍ରପତି ହେବା ବାଟରେ କଣ୍ଟା ସାଜିଛି ଚାଇନା: ଟ୍ରମ୍ପ୍‌

ଓ୍ବାଶିଂଟନ,୩୦।୪: ଚାଇନାକୁ ଆମେରିକା ରାଷ୍ଟ୍ରପତି ଡୋନାଲ୍ଡ୍‌ ଟ୍ରମ୍ପ୍‌ ଟାଗେର୍ଟ କରିଛନ୍ତି। ଟ୍ରମ୍ପ୍‌ କହିଛନ୍ତି ମୋର ଦ୍ୱିତୀୟ ଥର ରାଷ୍ଟ୍ରପତି ହେବା ବାଟରେ ଚାଇନା କଣ୍ଟା ସାଜିଛି। ଗଣମାଧ୍ୟମ ସଂସ୍ଥା ରଏଟରକୁ ଦେଇଥିବା ଏକ ସାକ୍ଷାତ୍‌କାରରେ ଟମ୍ପ୍‌ ଏଭଳି କହିଛନ୍ତି। ଟ୍ରମ୍ପ୍‌ ପୁଣି ଥରେ ନିର୍ବାଚିତ ହୁଅନ୍ତୁ ବୋଲି ଚାଇନା ଚାହୁଁ ନ ଥିବା ସେ ପ୍ରକାଶ କରିଛନ୍ତି। କରୋନା ମହାମାରୀ ନେଇ ଚାଇନାର ଯେଭଳି ଆଭିମୁଖ୍ୟ ରହିଛି ସେଥିରୁ ଏହା ସ୍ପଷ୍ଟ ଜଣାପଡୁଛି। ଆମେରିକାରେ ଆସନ୍ତା ନଭେମ୍ବରରେ ହେବାକୁ ଥିବା ରାଷ୍ଟ୍ରପତି ନିର୍ବାଚନରେ ବିଜୟ ପଥରୁ ତାଙ୍କୁ ରୋକିବା ଚାଇନା ଯେ କୌଣସି ରଣନୀତି ଆପଣେଇ ପାରେ ବୋଲି ଟ୍ରମ୍ପ୍‌ କହିଛନ୍ତି। ସୂଚନାଯୋଗ୍ୟ, ପୃଥିବୀରେ କରୋନା ସଂକ୍ରମଣ ଳାଗି ଚାଇନା ଦାୟୀ ବୋଲି ଟ୍ରମ୍ପ୍‌ ବାରମ୍ବାର ଅଭିଯୋଗ କରୁଛନ୍ତି। ଚାଇନାର ସଂକ୍ରମଣ ସମ୍ପର୍କିତ ତଥ୍ୟ ତଥା ଏହାକୁ ରୋକିବା ପାଇଁ କିଭଳି ପଦକ୍ଷେପ ଗ୍ରହଣ କରାଯିବ ସେ ନେଇ ସ୍ବଚ୍ଛତା ପରିଲକ୍ଷିତ କରି ନ ଥିବା ଟ୍ରମ୍ପ୍‌ କିଛି ଦିନ ତଳେ କହିଥିଲେ। ଏବେ ଟ୍ରମ୍ପ୍‌ଙ୍କ ମନ୍ତବ୍ୟ ନେଇ ଅନ୍ତର୍ଜାତୀୟସ୍ତରରେ ଚର୍ଚ୍ଚା ଆରମ୍ଭ ହୋଇଛି।

Share