ଫୁଲବାଣୀ ଅଫିସ, ୨୦ା୮: ପୋଲିସ ଆଖିରେ ଧୂଳି ଦେଇ ବୁଲୁଥିବା ଗଞ୍ଜେଇ ବ୍ୟବସାୟୀ ବାଳକୃଷ୍ଣ ସ୍ବାଇଁ ଶେଷରେ ଗିରଫ ହୋଇଛନ୍ତି। ତାଙ୍କ ଘର ଫୁଲବାଣୀ ସହର ଇଲେକ୍ଟ୍ରି ସାହିରେ। ତୁମୁଡିବନ୍ଧ ପୋଲିସ ତାଙ୍କଠାରୁ ୫୦ କେଜି ଗଞ୍ଜେଇ ଓ ଏକ ବାଇକ ଜବତ କରିଛି। ବାଳକୃଷ୍ଣଙ୍କୁ ସୋମବାର କୋର୍ଟଚାଲାଣ କରାଯାଇଛି ା ପ୍ରାୟ ୨/୩ ବର୍ଷ ହେବ ବାଳକୃଷ୍ଣ ତାଙ୍କ ସାମ୍ରାଜ୍ୟ ବିସ୍ତାର ଆରମ୍ଭ କରିଥିଲେ ା ଫିରିଙ୍ଗିଆ, ଗୋଚ୍ଛାପଡା, ବାଲନ୍ଦାପଡା ବାଲିଗୁଡା ଆଦି ଅଞ୍ଚଳକୁ କେତେବେଳେ ପୋଲିସ ତ ଅନ୍ୟ କେତେବେଳେ ଅବକାରୀ କର୍ମଚାରୀ ସାଜି ଗଞ୍ଜେଇ ଚାଲାଣକାରୀ ନଚେତ ବେଆଇନ ଚାଷୀଙ୍କ ପାଖରେ ପହଞ୍ଚୁଥିଲେ ବାଳକୃଷ୍ଣ। ନିଜକୁ ପୋଲିସ, ଅବକାରୀ କର୍ମଚାରୀ ବୋଲି ମିଛ ପରିଚୟ ଦେଇ ସେମାନଙ୍କ ପାଖରୁ ଅର୍ଥ ଆଦାୟ କରିବା ସହ କୁଇଣ୍ଟାଲ କୁଇଣ୍ଟାଲ ଗଞ୍ଜେଇ ଲୁଟି ଆଣୁଥିଲେ। ନିଜ ସ୍ବାର୍ଥପାଇଁ କେତେଜଣ ଅବକାରୀ କର୍ମଚାରୀ ତାଙ୍କୁ ଏଥିରେ ସାହାଯ୍ୟ କରୁଥିଲେ ା ସେହି କେତେଜଣଙ୍କ ଲାଗି ଅବକାରୀ ବିଭାଗ ବଦ୍ନାମ ହେଉଥିଲେ ମଧ୍ୟ କିଛି କରାଯାଇପାରୁ ନ ଥିଲା। କାରଣ ବାଳକୃଷ୍ଣ ସେମାନଙ୍କ ମୁଖା ଖୋଲିଦେବେ ବୋଲି ଧମକ ଦେଇ ଆସୁଥିଲେ। ପୋଲିସରେ ଖବର ଦେବାପାଇଁ କେହି ସାହସ କରି ପାରୁ ନ ଥିଲେ ା ମାତ୍ର ଗୋଇନ୍ଦା ବିଭାଗ ବାଳକୃଷ୍ଣଙ୍କ ଉପରେ ତୀକ୍ଷଣ ନଜର ରଖିଥିଲା ା ତୁମୁଡିବନ୍ଧ ପୋଲିସ ଗୁଇନ୍ଦା ସୁତ୍ର ଆଧାରରେ ବାଳକୃଷ୍ଣଙ୍କୁ ରବିବାର ତୁମୁଡିବନ୍ଧଠାରୁ ୫ କିମି ଦୂର ବାଲିଗୁଡା ରାସ୍ତାର ଦଡଙ୍ଗ ଘାଟିରୁ କାବୁ କରିଛି। ବାଇକ୍(ଓଡି ୧୨- ୪୯୨୦)ରେ ସେ ଗଞ୍ଜେଇ ନେଇ ଯାଉଥିବା ବେଳେ ଧରାପଡିଛନ୍ତି। ଏ ନେଇ ଥାନାରେ ନଂ.୫୮/୧୯ରେ ମାମଲା ରୁଜୁ ହୋଇଥିବା ଥାନାଧିକାରୀ ବାବା ଶଙ୍କର ସରାଫ ସୂଚନା ଦେଇଛନ୍ତି।