କରୋନା ବିରୋଧରେ ଚାଲିଥିବା ଲଢ଼େଇରେ ଦେଶବାସୀ ତଥା ସରକାରଙ୍କୁ ଆର୍ଥିକ ସାହାଯ୍ୟ କରିବାକୁ ଆଗେଇ ଆସିଛନ୍ତି ଅନେକ ବଲିଉଡ ତାରକା। ଏଥିମଧ୍ୟରେ ସୁପରଷ୍ଟାର୍ ଶାହରୁଖ ଖାନ ମଧ୍ୟ ସାମିଲ ହୋଇଛନ୍ତି। ଏଭଳି ପରିସ୍ଥିତିରେ ସେ ଲଗାତର ଅଭାବୀ ଲୋକଙ୍କୁ ସାହାଯ୍ୟ କରିଆସୁଛନ୍ତି। ବର୍ତ୍ତମାନ କିଙ୍ଗ ଖାନଙ୍କ ଟିମ୍ ଗରିବ ଲୋକ କିପରି ଭୋକ ଉପାସରେ ନ ରହିବେ ସେଥିପାଇଁ ଅଣ୍ଟା ଭିଡ଼ିଛନ୍ତି। ତାଙ୍କ ଟିମ୍ ଗରିବ ଓ କରୋନା ଭାଇରସ ଆକ୍ରାନ୍ତ ଲୋକଙ୍କ ପାଇଁ ଖାଦ୍ୟ ବଣ୍ଟନରେ ଦିନରାତି ଲାଗି ପଡ଼ିଛନ୍ତି। ଏହି ମହତ କାର୍ଯ୍ୟକୁ କିଙ୍ଗ ଖାନ ପ୍ରଶଂସା କରିବା ସହ ମୋ’ ଟିମ୍ ପାଇଁ ମୁଁ ଗର୍ବିତ ବୋଲି ନିଜ ଟୁଇଟର ଆକାଉଣ୍ଟରେ ସେୟାର କରିଛନ୍ତି।