ବାଂଲାଦେଶ ବିପକ୍ଷ ପ୍ରଥମ ଟେଷ୍ଟରେ ଭାରତ ଏକ ଇନିଂସ ଓ ୧୩୦ ରନ୍ରେ ବିଜୟ ହାସଲ କରିଛି। ଭାରତର ବିଜୟରେ ପ୍ରମୁଖ ଭୂମିକା ଗ୍ରହଣ କରିଥିଲେ ଦ୍ରୁତ ବୋଲର୍ ମହମ୍ମଦ ସାମି। ଏହି ଟେଷ୍ଟରେ ସାମି ପ୍ରଥମ ଓ ଦ୍ୱିତୀୟ ଇନିଂସରେ ଯଥାକ୍ରମେ ୩ ଓ ୪ ଉଇକେଟ ହାସଲ କରିଥିଲେ। ମ୍ୟାଚ୍ ପରେ ଏକ ସାକ୍ଷାତକାରରେ ସାମିଙ୍କୁ ଉଇକେଟ୍ ନେବାର ରାଜ୍ ବିଷୟରେ ପଚରାଯାଇଥିଲା ଏହାର ଜବାବରେ ସେ କହିଥିଲେ, ଏସବୁ ବିରିୟାନୀର କମାଲ୍। ଏହାଛଡା ଭଗବାନଙ୍କ କୃପା ମଧ୍ୟ ରହିଛି। ସବୁବେଳେ ଲାଇନ୍ ଲେନ୍ଥରେ ବୋଲିଂ କରିବାକୁ ଚେଷ୍ଟା କରୁଛି। ଏହାଛଡା କୋଚ ଏବଂ ଅଧିନାୟକଙ୍କ ମୋ ଉପରେ କୌଣସି ଚାପ ମଧ୍ୟ ପଡୁନାହିଁ। ତେଣୁ ମୁଁ ଆରାମରେ ବୋଲିଂ କରିପାରୁଛି ବୋଲି ସାମି କହିଛନ୍ତି।