ଫୁଲବାଣୀ ଅଫିସ, ୧୮ା୧-କନ୍ଧମାଳ ଜିଲା ମୁଖ୍ୟ ଚିକିତ୍ସାଳୟରେ ମୋ ସରକାର କାର୍ଯ୍ୟକ୍ରମ କିପରି ଚାଲିଛି ତା’ର ତଦାରଖ କରିଛନ୍ତି ସଚିବସ୍ତରୀୟ ଏକ ଟିମ୍ ା ଶୁକ୍ରବାର ବିଭାଗୀୟ ଉପ ସଚିବ ଡା. ଯସ୍ମିନ ପଟ୍ଟନାୟକ ଏବଂ ଯୁଗ୍ମ ନିର୍ଦ୍ଦେଶକ ଡା. ଆର. ଶତପଥୀ ଜିଲା ମୁଖ୍ୟ ଚିକିତ୍ସାଳୟକୁ ଯାଇ ସରକାରଙ୍କ ଦ୍ୱାରା ଚାଲିଥିବା ବିଭିନ୍ନ ଯୋଜନାର ରୂପରେଖ ଉପରେ ଜିଲା ମୁଖ୍ୟ ଚିକିତ୍ସାଧିକାରୀ ଏବଂ ଅନ୍ୟ ଅଧିକାରୀଙ୍କ ପାଖରୁ ଅବଗତ ହୋଇଥିଲେ। ଏହାପରେ ସମସ୍ତ ବିଭାଗ ପରିଦର୍ଶନ କରିଥିଲେ ା ପ୍ରଥମେ ରୋଗୀ ସେବା କିପରି ଚାଲିଛି, ଔଷଧ ସେମାନେ ମେଡିକାଲରୁ ମାଗଣାରେ ନେଉଛନ୍ତିି କି ନାହିଁ, ଡାକ୍ତର କିମ୍ବା ଅନ୍ୟ କର୍ମଚାରୀ ସେମାନଙ୍କୁ ଭଲ ବ୍ୟବହାର ଦେଖାଉଛନ୍ତି କି ନାହିଁ ସେ ଉପରେ ପଚାରି ବୁଝିଥିଲେ। ରୋଗୀଙ୍କ ଖଟିଆରେ ପ୍ରତ୍ୟେକ ଦିନ ବେଡଶିଟ ବଦଳା ଯାଉଥିବା ଜାଣି ଖୁସି ବ୍ୟକ୍ତ କରିଥିଲେ ା ଏଥିସହ ମେଡିକାଲରେ ରୋଗୀ ଏବଂ ସମ୍ପର୍କୀୟଙ୍କ ପାଇଁ ପଡିଥିବା ଚେୟାର, ବେଡ ଅଭାବରୁ ତଳେ ପଡିଥିବା ମ୍ୟାଟ୍ରେସ, ଫିଜିଓଥେରାପି ସେଣ୍ଟର ଦେଖି ଆନନ୍ଦିତ ହୋଇଥିଲେ ା ପ୍ରତ୍ୟେକ ୱାର୍ଡ ସମ୍ମୁଖରେ ଅଧିକ ଚେୟାର ପକାଇବାକୁ ପରାମର୍ଶ ଦେଇଥିଲେ ା ଏହା ହେଲେ ଗହଳିକୁ ଏଡାଇ ଦିଆଯାଇ ପାରିବ ବୋଲି ମେଡିକାଲ ଅଧିକାରୀମାନଙ୍କୁ କହିଥିଲେ ା କୌଣସି ରୋଗୀଙ୍କ ପାଖରେ ବାହାର ମେଡିସିନ ପାଇ ନ ଥିବାରୁ କାର୍ଯ୍ୟକ୍ରମ ଠିକ୍ ଚାଲିଥିବା କହିଥିଲେ। ଅନ୍ୟମାନଙ୍କ ମଧ୍ୟରେ ଜିଲା ମୁଖ୍ୟ ଚିକିତ୍ସାଧିକାରୀ ଡା.ରାଜଶ୍ରୀ ପଟ୍ଟନାୟକ, ଅତିରିକ୍ତ ଜିଲା ଚିକିତ୍ସାଧିକାରୀ(ମେଡିକାଲ) ସିଏଚ୍. ରବିନାରାୟଣ ସୁବୁଦ୍ଧିି, ଜିଲା ପ୍ରୋଗ୍ରାମ ମ୍ୟାନେଜର ମନୋରଞ୍ଜନ ସାହୁ, ଜିଲା ପ୍ରଜନନ ଓ ଶିଶୁ ଅଧିକାରୀ ଆଶିଷ କୁମାର ମହାନ୍ତି ପ୍ରମୁଖ ଉପସ୍ଥିତ ଥିଲେ।