ମୁମ୍ବାଇ,୯।୬: ଚଳିତ ବର୍ଷ ପ୍ରଥମ କରି ଶନିବାର କେରଳ ଛୁଇଁଲା ମୌସୁମୀ। ଏହାର ପ୍ରଭାବରେ ମହାରାଷ୍ଟ୍ରରେ ପ୍ରବଳ ବର୍ଷା ସାଙ୍ଗକୁ ପବନ ମଧ୍ୟ ବହିଥିଲା। ଏହି ବର୍ଷା ପ୍ରଭାବରେ ନାସିକ ଅଞ୍ଚଳରେ ଜଣେ ମହିଳାଙ୍କ ମୃତ୍ୟୁ ହେବା ସହ ଅନ୍ୟ୍ୟ ୩ ଆହତ ହୋଇଥିବା ଜଣାପଡିଛି। ମହିଳା ଜଣକ ଟିଣ ଛପର ଘରେ ରହୁଥିବା ବେଳେ ପବନ ଯୋଗୁ ଶନିବାର ସନ୍ଧ୍ୟାରେ ତାଙ୍କ ଘରର ଛପର ଉଡୁଯାଇଥିଲା ଓ ଘରଟି ଭୁଷୁଡି ପଡିଥିଲା। ଫଳରେ ମହିଳା ଜଣକ କାନ୍ଥ ତଳେ ପୋତି ହୋଇ ଯିବାରୁ ତାଙ୍କର ମୃତ୍ୟୁ ହୋଇଥିଲା। ଏଥିରେ ତାଙ୍କ ପରିବାରର ଅନ୍ୟ ୩ ଜଣ ମଧ୍ୟ ଆହତ ହୋଇଛନ୍ତି। ଅନ୍ୟପଟେ ଏହି ବର୍ଷା ଓ ପବନ ଫଳରେ ବିଭିନ୍ନ ସ୍ଥାନରେ ଗଛ ଉପୁଡି ବିଜୁଳି ସେବା ମଧ୍ୟ ବାଧାପ୍ରାପ୍ତ ହୋଇଛି।
