ଆବଶ୍ୟକ ସାମଗ୍ରୀ: ନୁଡଲ୍ସ-୧୫୦ଗ୍ରାମ୍, ଲୁଣ ଅଧାଚାମଚ, ଲଙ୍କା ପାଉଡର ଦୁଇ ଚାମଚ, କର୍ନଫ୍ଲୋର-ଦୁଇ ଚାମଚ, ଚିଜ୍ କ୍ୟୁବ୍-ଅଧା କପ, ଶିମ୍ଲା ମିର୍ଚ୍ଚି-ଅଧାଚାମଚ, ରିଫାଇନ୍ଡ ଅଏଲ ଦୁଇ କପ, ପାଣି।
ପ୍ରସ୍ତୁତି ପ୍ରଣାଳୀ: ପ୍ରଥମେ ଶିମ୍ଲା ମିର୍ଚ୍ଚିକୁ ଭଲଭାବେ ଧୋଇ କାଟନ୍ତୁ। ଏହାପରେ ଏକ ପ୍ୟାନ୍ରେ ମ୍ୟାଗିକୁ ପାଣିରେ ପକାଇ ଫୁଟାନ୍ତୁ। ଯେତେବେଳେ ମ୍ୟାଗି ହୋଇଯିବ ସେତେବେଳେ ତାକୁ ପାଣିରୁ ଛାଣିଦିଅନ୍ତୁ। ଅନ୍ୟ ଏକ ପାତ୍ରରେ ଶିମ୍ଲା ମିର୍ଚ୍ଚି, ଚିଜ୍ କ୍ୟବ୍, ଲୁଣ, ଲଙ୍କା ପାଉଡର ଓ କର୍ନଫ୍ଲୋର ପକାଇ ଭଲଭାବେ ମିକ୍ସ କରନ୍ତୁ। ପୁଣି ସେଥିରେ ସିଝା ମ୍ୟାଗିକୁ ମିଶାଇ ଦିଅନ୍ତୁ। ପୁଣି ପ୍ୟାନ୍ରେ ତେଲ ଗରମ କରନ୍ତୁ। ମ୍ୟାଗି ମିଶ୍ରଣକୁ ଏବେ ପକୋଡା ଶେପ୍ କରି ଗୋଲଡେନ୍ ବ୍ରାଉନ୍ କଲର ହେବା ପର୍ଯ୍ୟନ୍ତ ଫ୍ରାଏ କରନ୍ତୁ। ପକୋଡା ହୋଇଗଲା ପରେ ତାକୁ ଟିସୁ ପେପରକୁ କାଢ଼ିଦିଅନ୍ତୁ। ଫଳରେ ଏହାଦ୍ୱାରା ଏକ୍ସଟ୍ରା ତେଲ ବାହାରିଯିବ। ଏବେ ଆପଣଙ୍କ ପକୋଡା ପ୍ରସ୍ତୁତ ହୋଇଗଲା। ଏହାକୁ ଆପଣ ଚା’ କିମ୍ବା ସସ୍ ସହିତ ଗରମ ଗରମ ସର୍ଭ କରିପାରିବେ।