ରାଞ୍ଚି,୨୨।୧୦- ଦକ୍ଷିଣ ଆଫ୍ରକା ବିପକ୍ଷରେ ଭାରତ ସିରିଜ କ୍ଲିନ୍ ସୁଇପ୍ କରିବା ଏକ ପ୍ରକାର ନିଶ୍ଚିତ ହୋଇଛି। ତେବେ ମ୍ୟାଚ୍ ଚାଲିଥିବା ଅବସରରେ ହେଡ୍ କୋଚ ରବି ଶସ୍ତ୍ରୀ ପ୍ୟାଭିଲିୟନରେ ଶୋଇ ପଡିଥିବାର ଦେଖାଯାଇଥିଲା। ତୃତୀୟ ଦିବସରେ ଏଭଳି ଅଭାବନୀୟ ଘଟଣା ଘଟିଥିଲା ଓ ଏହା ଟିଭିରେ ଦେଖିବାକୁ ମିଳିଥିଲା। ଟୁଇଟର ଓ ଅନ୍ୟ ସୋସିଆଲ ମିଡିଆରେ ଏ ନେଇ ସେ ଜବରଦସ୍ତ ଟ୍ରୋଲର ଶିକାର ହୋଇଛନ୍ତି। ହେଡ୍ କୋଚ୍ ହିସାବରେ ସେ ବର୍ଷକୁ ୧୦ କୋଟି ଟଙ୍କା ଆୟ କରୁଛନ୍ତି। ଏହା ସତ୍ତ୍ୱେ ମ୍ୟାଚ୍ ବେଳେ ସେ ଶୋଇବା ଅନେକଙ୍କର ହଜମ ହୋଇନାହିଁ। ଟୁଇଟରରେ ଏ ନେଇ ପ୍ରଶଂସକମାନେ ବିଭିନ୍ନ ମତ ପୋଷଣ କରିଛନ୍ତି।