ଓ୍ବେଲିଂଟନ, ୧୪।୬: ପୂର୍ବତନ ନ୍ୟୁଜିଲାଣ୍ଡ କ୍ରିକେଟର ମ୍ୟାଟ୍ ପୁରେଙ୍କର ୯୦ ବର୍ଷ ବୟସରେ ପରଲୋକ ଘଟିଛି। ଅଲରାଉଣ୍ଡର ପୁରେ ୧୯୫୩ରୁ ୧୯୫୬ ମଧ୍ୟରେ ୧୪ଟି ଟେଷ୍ଟ ଖେଳିଥିଲେ। ଲିଜେଣ୍ଡ ବେର୍ଟ ସୁଟ୍କ୍ଲିଫ୍ ଓ ଜନ୍ ରିଡ୍ଙ୍କର ସେ ସମସାମୟିକ ଥିଲେ। ୧୯୫୫ରେ ବେଙ୍ଗାଲୁରୁଠାରେ ମ୍ୟାଚ ଅବସରରେ ଏକ ବୁଲାକୁକୁର ଷ୍ଟାଡିୟମ ପଡ଼ିଆକୁ ପଶି ଆସିଥିଲା। ତାକୁ ଧରିବା ପାଇଁ ଗ୍ରାଉଣ୍ଡ ଷ୍ଟାଫ୍ ଉଦ୍ୟମ କରୁଥିବାବେଳେ ପୁରେ ଧରିନେଇଥିଲେ। ତେବେ କୁକୁର ଖଣ୍ଡିଆ କରି ଦେଇଥିବାରୁ ତାଙ୍କୁ ୧୨ଟି ପ୍ରତିଷେଧକ ଇଞ୍ଜେକ୍ସନ ନେବାକୁ ପଡ଼ିଥିଲା। କାରଣ ମାରାତ୍ମକ ଜଳାତଙ୍କ ରୋଗ ହେବାର ଆଶଙ୍କା ରହିଥିଲା। ରିପୋର୍ଟ ଅନୁସାରେ ପୁରେ ଜଣେ କୁକୁରପ୍ରେମୀ ଥିଲେ।
