କପ୍ତିପଦା,୧୮ା୫(ଡି.ଏନ୍.ଏ)- ମୟୂରଭଞ୍ଜ ଜିଲାର ୧୧ କରୋନା ଆକ୍ରାନ୍ତଙ୍କ ମଧ୍ୟରୁ ସୋମବାର ୪ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ସୁସ୍ଥ ହୋଇଥିବା ଆକ୍ରାନ୍ତମାନେ ପୁରୁଷ ଓ କପ୍ତିପଦା ବ୍ଲକ ଅଞ୍ଚଳର। ସେମାନଙ୍କ ମଧ୍ୟରୁ ୩ ଜଣ ପିଙ୍ଗୁ ପଞ୍ଚାୟତର ଓ ଜଣେ ଜେ ଏସ ଜାମୁଡିହା ପଞ୍ଚାୟତର ବାସିନ୍ଦା ବୋଲି ଜଣାପଡ଼ିଛି। ପିଙ୍ଗୁ କ୍ୱାରାଣ୍ଟାଇନ୍ ସେଣ୍ଟରରେ ୮ ଜଣ ଆକ୍ରାନ୍ତ ଚିହ୍ନଟ ହୋଇ ହସ୍ପିଟାଲ ଯିବା ପରେ ସେଠାରେ ରହୁଥିବା ଅନ୍ୟ ୯ଜଣ ନାନା ଆଶଙ୍କାରେ ଦିନ କାଟୁଥିଲେ। ସେମାନଙ୍କ ମଧ୍ୟରୁ ସୋମବାର ୭ ଜଣଙ୍କର ରିପୋର୍ଟ ନେଗେଟିଭ ରିପୋର୍ଟ ଆସଛି। ତେଣୁ ସେମାନଙ୍କୁ ମଧ୍ୟ ସୋମବାର ଅପରାହ୍ନରେ କ୍ୱାରାଣ୍ଟାଇନ୍ରୁ ଡିସ୍ଚାର୍ଜ କରାଯାଇଥିବା କପ୍ତିପଦା ଏବିଡିଓ ବିଦ୍ୟା ନାଏକ ସୂଚନା ଦେଇଛନ୍ତି ା