ବୌଦ୍ଧ,୧୬।୫ (ସ୍ବ.ପ୍ର.): ମହାମାରୀ କରୋନାର ମୁକାବିଲା ପାଇଁ ସାରା ଦେଶ ଲକ୍ ଡାଉନ୍ ରହିଛି। ଏଣୁ ଜନଜୀବନ ପ୍ରଭାବିତ ହୋଇଛି। ବିଭିନ୍ନ ସ୍ଥାନରେ ରହି କାମଧନ୍ଦା କରୁଥିବା ଶ୍ରମିକ ଶ୍ରେଣୀର ଲୋକେ ସେମାନଙ୍କ ଘରକୁ ଫେରିବାକୁ ବ୍ୟାକୁଳ ହେଉଛନ୍ତି। ଅନେକ ଲୋକ ଚାଲି ଚାଲି ନିଜ ଘରକୁ ଫେରିବାକୁ ପଛାଉ ନାହାନ୍ତି। ତେବେ ବୌଦ୍ଧ ଜିଲା ପ୍ରଶାସନ ମୟୂରଭଞ୍ଜ ଜିଲା ତିରିଂ ବ୍ଲକର ୭ ଜଣ ଶ୍ରମିକଙ୍କୁ ସେମାନଙ୍କ ଘରକୁ ପଠାଇଛି। ଏମାନେ ବୌଦ୍ଧ ଏନ୍ଏସିର ରାତ୍ରୀ ଆଶ୍ରୟସ୍ଥଳରେ ରହିଥିଲେ। ଶନିବାର ଏମାନଙ୍କୁ ଏକ ସ୍ବତନ୍ତ୍ର ଗାଡି ଯୋଗେ ନିଜ ଘରକୁ ଜିଲା ପ୍ରଶାସନ ପକ୍ଷରୁ ପଠାଯାଇଛି। ସହକାରୀ ଜିଲାପାଳ ଅବିନାଶ ପାଣ୍ଡିଆ, ନିର୍ବାହୀ ଅଧିକାରୀ ଇଂ. ମନୋରଞ୍ଜନ ପଣ୍ଡା ଓ ରାତ୍ରୀ ଆଶ୍ରୟସ୍ଥଳର କେୟାରଟେକର କୃପାସିନ୍ଧୁ ଷଡଙ୍ଗୀ ଏହି ଶ୍ରମିକମାନଙ୍କୁ ସେମାନଙ୍କ ଘରକୁ ପଠାଇବାର ବ୍ୟବସ୍ଥା କରିଥିଲେ।