ବାରିପଦା ଅଫିସ,୧୩ା୮- ମୟୂରଭଞ୍ଜ ସାହିତ୍ୟ ପରିଷଦ ତରଫରୁ ସମ୍ବିଧାନର ୩୭୦ ଧାରା ଉଚ୍ଛେଦ ବିଷୟ ସମ୍ପର୍କିତ ଏକ ମନୋଜ୍ଞ କବିତା ପାଠୋତ୍ସବ ମହର୍ଷି ପବ୍ଲ୍ିକ ସ୍କୁଲ ସଭାଗୃହରେ ଅନୁଷ୍ଠିତ ହୋଇଯାଇଛି। ପରିଷଦର ସଭାପତି ପଦ୍ମନାଭ ସାହୁଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ମୟୂରଭଞ୍ଜ ସିଟିଜେନ ଫେରାମର ଆବାହକ ପୂର୍ଣ୍ଣଚନ୍ଦ୍ର ବୁଗୁଡେଇ ମୁଖ୍ୟଅତିଥି ଭାବେ ଯୋଗଦେଇ ଅଖଣ୍ଡ ଭାରତର ରୂପରେଖ ତଥା ଗାରିମାର କଥା ବଖାଣିଥିଲେ। ସମ୍ମାନିତ ଅତିଥି ଭାବେ ଆଇନଜୀବୀ କୃଷ୍ଣଚନ୍ଦ୍ର ଶତପଥୀ, କବି ବୃନ୍ଦାବନ ଦାଶ, ମୟୂରଭଞ୍ଜ ପୁସ୍ତକ ମେଳା କମିଟିର କୋଷାଧ୍ୟକ୍ଷ କୈବଲ୍ୟ ପ୍ରସାଦ ମହାପାତ୍ର ଏବଂ କବି ଶଙ୍କର ଜେନା ଯୋଗଦେଇ ସାଂପ୍ରତିକ ପରିସ୍ଥିତିରେ ଅଖଣ୍ଡ ଭାରତର କାର୍ଯ୍ୟକାରିତା ଉପରେ ଆଲୋଚନା କରିଥିଲେ। କବି ଶିଉଲାଲ ମହାନ୍ତି ଅତିଥିମାନଙ୍କୁ ମଞ୍ଚକୁ ଆହ୍ବାନ କରିଥିବା ବେଳେ ଉପସଭାପତି କାବେରୀ ମିଶ୍ର କାର୍ଯ୍ୟକ୍ରମର ଅଭିମୁଖ୍ୟ ସମ୍ପର୍କରେ ଆଲୋକପାତ କରିଥିଲେ। କବିୟିତ୍ରୀ ବାସନ୍ତୀଲତା ମହାପାତ୍ର ଏବଂ କବି ଅଜୟ ପାଲଙ୍କ ସଂଯୋଜନାରେ ଆୟୋଜିତ କବିତା ପାଠୋତ୍ସବରେ ଅଜିତ ପାଣିଗ୍ରାହୀ, ଅଜିତ କୁମାର କବାଟ, ବୃନ୍ଦାବନ ଦାଶ, ନୂତନ କୁମାର ବେହେରା, ସତୀଶ ଚନ୍ଦ୍ର ବେହେରା, ସମରେନ୍ଦ୍ର ବଶା, ବୀଣାପାଣି ପଣ୍ଡା, ତିମିର ଘୋଷ, ଡ.ଦୀନବନ୍ଧୁ ଭଞ୍ଜ, ଦୀପକ ଶତପଥୀ, ଜୟନ୍ତ କୁମାର ଦ୍ୱାରୀ ପ୍ରମୁଖ କବିତା ପାଠ କରିଥିଲେ। ହିମାଂଶୁ ଶେଖର ଦାସ, ବିମ୍ବାଧର ପାତ୍ର, ନରସିଂହ ବାରିକ, ଅଶୋକ କୁମାର କର, ଲିପିକା ଦାଶ, ଅମିତାଭ ମିଶ୍ର ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ। ଶେଷରେ ଅନୁଷ୍ଠାନର ପୂର୍ବତନ ସମ୍ପାଦକ ମନୋଜ ଦଳବେହେରା ଧନ୍ୟବାଦ ଅର୍ପଣ କରିଥିଲେ।