ଧର୍ମଶାଳା/ଜେନାପୁର,୧ା୯(ଡି.ଏନ୍.ଏ.)- ଧର୍ମଶାଳା ବ୍ଲକ ଜେନାପୁର ଥାନା ଅନ୍ତର୍ଗତ ପୁରୁଣାବଉଳମାଳ ପଞ୍ଚାୟତ ଭାଲିଆପାଳ ଗ୍ରାମର ଜଣେ ଯୁବକଙ୍କ ପୂର୍ବ ଶତ୍ରୁତାକୁ ନେଇ ରବିବାର ରାତିରେ ମରଣାନ୍ତକ ଆକ୍ରମଣ ହୋଇଥିଲା। ଦୁର୍ବୃତ୍ତମାନେ ତାଙ୍କୁ ଠେଙ୍ଗାରେ ପିଟି ସୁକୁଟିଝର ରାସ୍ତାରେ ଫୋପାଡି ଦେଇଥିଲେ। ପରିବାର ଲୋକେ ତାଙ୍କୁ ଉଦ୍ଧାର କରି କଟକ ନେଇଥିବାବେଳେ ସୋମବାର ଚିକିତ୍ସାଧୀନ ଅବସ୍ଥାରେ ତା’ର ମୃତ୍ୟୁ ହୋଇଥିବା ଜଣାପଡିଛି। ମୃତ ଯୁବକ ଜଣଙ୍କ ଗ୍ରାମର ଚିନ୍ମୟ ସାମଲ(୩୮)। ଏ ନେଇ ସୋମବାର ପୂର୍ବ ଶତ୍ରୁତାକୁ କେନ୍ଦ୍ରକରି ସ୍ଥାନୀୟ ସୁକୁଟିଝର ଗ୍ରାମର ୩ ଜଣ ଯୁବକ ତାରିଣୀ ଛକରୁ ଚିନ୍ମୟଙ୍କୁ ଗୋଡେଇ ଗୋଡେଇ ବାଡେଇ ସାତମାଣ ଗ୍ରାମ ନିକଟ ରାସ୍ତାକଡ଼ରେ ପକାଇ ଦେଇଥିବା ଚିନ୍ମୟଙ୍କ ସ୍ତ୍ରୀ ଥାନାରେ ଅଭିଯୋଗ କରିଛନ୍ତି। ଏ ସମ୍ପପର୍କରେ ଏକ ମାମଲା (ନଂ.୨୦୦/୧୯) ରୁଜୁକରି ୩ ଜଣଙ୍କୁ ଥାନାରେ ଅଟକ ରଖି ତଦନ୍ତ ଚଳାଇଥିବା ଥାନା ଅଧିକାରୀ ସୁଶାନ୍ତ କୁମାର ଦାସ ସୂଚନା ଦେଇଛନ୍ତି।