ନୂଆଦିଲ୍ଲୀ, ୨୦ା୭: ବର୍ତ୍ତମାନ ଫେସ୍ଆପ୍ ଭଳି ଏକ ସବୁଠୁ ଲୋକପ୍ରିୟ ଅପ୍ସନ୍ ବ୍ୟବହାର କରି ଲୋକେ ଖୁସି ମନାଉଛନ୍ତି। ରୁଷିଆରେ ବିକଶିତ ଏହି ଆପ୍ଲିକେଶନ ଚଳିତ ସପ୍ତାହରେ ପ୍ରତ୍ୟେକ ସୋସିଆଲ ମିଡିଆ ବ୍ୟବହାରକାରୀଙ୍କ ପାଇଁ ଖେଳର ଖୋରାକ ହୋଇଛି। ତେବେ ଏହି ଅପ୍ସନକୁ ଥରେ ଡାଉନଲୋଡ୍ କରିଦେଲେ ଆପଣ ନିଜ ମୁହଁର ବିଭିନ୍ନ ଆକୃତି ବୟସ ଅନୁସାରେ ଦେଖିପାରିବେ। ସେଥିପାଇଁ ୮ଟି ବିକଳ୍ପ ମଧ୍ୟରୁ ଗୋଟିଏ ବାଛିବାକୁ ହେବ। ସେହିସବୁ ବିକଳ୍ପ ହେଲା: ମୁହଁର ଭଙ୍ଗୀ, ମୁହଁର ସଜ୍ଜୀକରଣ, ହସ, କେଶର ରଙ୍ଗ, କେଶର ଷ୍ଟାଇଲ୍, ଚଷମା ପିନ୍ଧା ମୁହଁ, ମୁହଁରେ ବୟସର ଛାପ ଏବଂ ଦାଢ଼ିଯୁକ୍ତ ମୁହଁ।
ପ୍ରତ୍ୟେକ ଅପ୍ସନରେ ବିଭିନ୍ନ ଶୋଧନ ପଦ୍ଧତି ରହିଛି। ସେଗୁଡିକୁ ମୁହଁରେ ପ୍ରୟୋଗ କରାଯାଇପାରିବ। ନିଜ ମୁହଁର ଆକୃତି କେତେ ଭିନ୍ନ ପ୍ରକାର ହୋଇପାରେ ସେଗୁଡିକୁ ଦେଖି ଖୁବ୍ ଖୁସି ହୋଇପାରିବେ ଆପଣ। ଖୁବ୍ ମଜାଦାର ବିଷୟ ହେଉଛି ନିଜ ମୁହଁର ବିଭିନ୍ନ ଭଙ୍ଗୀକୁ ନେଇ ଖେଳିପାରିବେ ଏବଂ ବିଭିନ୍ନ ପରିସ୍ଥିତିରେ ଆପଣ କିପରି ଦିଶୁଛନ୍ତି ତାହା ଜାଣିପାରିବେ। ଚନ୍ଦାମୁଣ୍ଡିଆ ଲୋକେ ‘ହିଟମ୍ୟାନ୍’ ଅପ୍ସନ ବ୍ୟବହାର କରି ମୁଣ୍ଡରେ କେଶ ଥିବା ଭଳି ଦେଖାଯିବେ। ମୁହଁକୁ ସୁନ୍ଦର କରିବା, କେଶ ଲମ୍ବା କରିବା ଏବଂ ଚଷମା ପିନ୍ଧି ନିଜ ମୁହଁ ଦେଖିବାର ଅପ୍ସନ ମଧ୍ୟ ରହିଛି।
ଫେସ୍ଆପ୍ରେ ‘ଫିଲ୍ଟର୍ସ’, ‘ଲେନ୍ସ ବ୍ଲର’ ଏବଂ ‘ବ୍ୟାକ୍ଗ୍ରାଉଣ୍ଡ୍ସ’ ଭଳି ଅପ୍ସନ ରହିଛି। ନିଜ ମୁହଁ କିପରି ଦିଶୁଛି ବୋଲି କିଛି ସମୟ ନିରେଖି ଦେଖିବା ପରେ ଏକାଧିକ ଅପ୍ସନ୍ ଫେସ୍ଆପ୍ରେ ଖେଳିବୁଲିବ। ବିଶେଷକରି ଫିଲ୍ଟର୍ସ ଅପ୍ସନ ବ୍ୟବହାର କରି ନିଜର ମୁହଁର ସମ୍ପୂର୍ଣ୍ଣ ରୂପକୁ ବଦଳେଇ ଦେଇପାରିବେ। ଲେନ୍ସ ବ୍ଲର ଅପ୍ସନ ବ୍ୟବହାର କରି ମୁହଁର ଭବିଷ୍ୟତର ରୂପ ଏବଂ ବ୍ୟାକ୍ଗ୍ରାଉଣ୍ଡ୍ସ ଅପ୍ସନ ବ୍ୟବହାର କରି ଅନ୍ୟ ସ୍ଥାନରେ ନିଜେ ଥିବା ଭଳି ଦେଖାଯିବେ। ଏହି ୩ ଅପ୍ସନ ମଧ୍ୟରୁ ସବୁଠୁ ମଜାଦାର ଅପ୍ସନ ହେଉଛି ବ୍ୟାକ୍ଗ୍ରାଉଣ୍ଡ୍ସ ଅପ୍ସନ। ଏହାଦ୍ୱାରା ବିଭିନ୍ନ ନଗରୀରେ ନିଜେ ଥିବାର ଦେଖିପାରିବେ।