ପାଇକମାଳ,୧୬ା୨(ଡି.ଏନ୍.ଏ.): ବରଗଡ଼ ଜିଲା ପାଇକମାଳ ଥାନା ଜର୍ଜଗଡ଼ ଗ୍ରାମ ନିକଟ ଏକ ନାଳ ପାଖରେ ଗୁରୁବାର ଜଣେ ଯୁବତୀଙ୍କୁ ନିର୍ମମ ଭାବରେ ହତ୍ୟା କରାଯାଇଛି। ଯୁବତୀ ଜଣକ ହେଲେ, ଉକ୍ତ ଗ୍ରାମର ନମିତା ଶତନାମୀ (୨୦)। ସେ ଆଜି ପୂର୍ବାହ୍ନରେ ନିକଟସ୍ଥନାଳକୁ ଗାଧୋଇବା ପାଇଁ ଯାଇଥିଲେ। ଗାଧୋଇବା ପୂର୍ବରୁ ସେ ନାଳ ପାରି ହୋଇ ଶୌଚ ପାଇଁ ଯାଇଥିଲେ। ସେହି ସମୟରେ କେହି ଜଣେ ଦୁର୍ବୃତ୍ତ ନମିତାଙ୍କ ତଣ୍ଟି କାଟି ହତ୍ୟା କରିଥିବା ପରିବାର ଲୋକେ ଅଭିଯୋଗ କରିଛନ୍ତି। ତେବେ ସେତେବେଳେ ନାଳର ଗାଧୁଅ ତୁଠରେ ଥିବା ଭଉଣୀ ସରୋଜିନୀ ମୃତ ନମିତାଙ୍କ ଚିତ୍କାର ଶୁଣି ସେଠାକୁ ଧାଇଁଥିଲେ ଏବଂ ଦୁର୍ବୃତ୍ତଙ୍କ ହାତକୁ ଟାଣିଥିଲେ। ତେବେ ଦୁର୍ବୃତ୍ତ ଜଣକ ସରୋଜିନୀଙ୍କୁ ବି ଛାଡ଼ି ନ ଥିଲେ। ଘାଟରେ ବସି ଥିବା ନମିତାଙ୍କ ସାନ ଭଉଣୀ ସରୋଜିନୀ ଶତନାମୀଙ୍କୁ ଦୁର୍ବୃତ୍ତ ମରଣାନ୍ତକ ଆକ୍ରମଣ କରିଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଥିବା ଜଣାପଡ଼ିଛି।