ଶଙ୍କରାଖୋଲ,୧୮ା୧୧(ଡି.ଏନ୍.ଏ.)-ଟିକାବାଲି ଥାନା ଅଞ୍ଚଳରେ ଜଣେ ଯୁବତୀଙ୍କୁ ବିବାହ ପ୍ରଲୋଭନ ଦେଖାଇ ପ୍ରତାରଣା କରିଥିବା ଅଭିଯୋଗରେ ପୋଲିସ ରବିବାର ଅଭିଯୁକ୍ତଙ୍କୁ କୋର୍ଟଚାଲାଣ କରିଛି। ସେ ହେଲେ ଉକ୍ତ ଥାନା ଅଞ୍ଚଳର ଅଶ୍ୱିନୀ କୁମାର ଦିଗାଳ। ଏ ନେଇ ଟିକାବାଲି ଥାନାରେ ନଂ.୧୦୯/୧୯ରେ ମାମଲା ରୁଜୁ ହୋଇଛି। ପ୍ରକାଶ ଯେ, ବର୍ଷେ ହେବ ଯୁବତୀଙ୍କ ସହ ଅଶ୍ୱିନୀଙ୍କ ପ୍ରେମ ସମ୍ପର୍କ ଥିଲା। ଗତ ୮ ତାରିଖରେ ଉକ୍ତ ଯୁବତୀଙ୍କ ପାଇଁ ଅନ୍ୟ ଘରରୁ ବିବାହା ପ୍ରସ୍ତାବ ଆସିଥିଲା। କିନ୍ତୁ ଯୁବତୀ ମନା କରିଦେଇଥିଲେ। ଏହା ଜାଣି ଅଶ୍ୱିନୀ ସମ୍ପୃକ୍ତା ଯୁବତୀଙ୍କୁ ଅନ୍ୟ ସ୍ଥାନକୁ ନେଇ ବିବାହା ପ୍ରଲୋଭନ ଦେଖାଇ ତାଙ୍କ ସହ ଶାରୀରିକ ସମ୍ପର୍କ ରଖିଥିଲେ। ଏହାର ୧୨ ଦିନ ପରେ ଯୁବତୀଙ୍କୁ ତାଙ୍କ ଘରେ ଅଶ୍ୱିନୀ ଛାଡ଼ିଦେଇ ବିବାହା ପାଇଁ ମନା କରିଦେଲେ। ଏ ନେଇ ଗ୍ରାମରେ ଏକ ବୈଠକ ବସିଥିଲା। କିନ୍ତୁ କୌଣସି ସମାଧାନ ନ ବାହାରିବାରୁ ଯୁବତୀ ଜଣକ ଶନିବାର ଅଶ୍ୱିନୀଙ୍କ ବିରୋଧରେ ଥାନାରେ ଏତଲା ଦେଇଥିଲେ।