ପ୍ୟାରିସ, ୯ା୬ (ଏପି)-ଚଳିତବର୍ଷ ପରବର୍ତ୍ତୀ ଭାଗରେ ୟୁଏସ୍ ଓପନ ଓ ଫ୍ରେଞ୍ଚ୍ ଓପନ ଆୟୋଜନ ହୋଇପାରିବ କି ନା ସେ ନେଇ ଆଲୋଚନା ଚାଲିଥିବା ବେଳେ ଶନିବାରଠାରୁ ଫ୍ରାନ୍ସର ଦକ୍ଷିଣାଞ୍ଚଳରେ ଏକ ନୂଆ ଡିଜିଟାଲି ଫ୍ରେଣ୍ଡଲି ଟେନିସ୍ ଟୁର୍ନାମେଣ୍ଟ ଆରମ୍ଭ ହୋଇଛି। ଏଥିରେ ୪ଜଣ ଟପ୍ ର଼୍ୟାଙ୍କିଙ୍ଗ ଖେଳାଳି ଅଂଶଗ୍ରହଣ କରିଛନ୍ତି। ପ୍ରତିଯୋଗିତାର ନା ଅଲ୍ଟିମେଟ୍ ଟେନିସ୍ ଶୋ ଡାଉନ୍ (ୟୁଟିଏସ୍) ରଖାଯାଇଛି। ଏହାର ପ୍ରଥମ ସଂସ୍କରଣରେ ଏଟିପି ଫାଇନାଲ୍ସ ବିଜେତା ଷ୍ଟିଫାନସ ତିସିତ୍ସିପାସ୍ ଓ ୟୁଏସ୍ ଓପନ ସେମିଫାଇନାଲିଷ୍ଟ ମାଟେଓ ବରେଟିନି ଭାଗ ନେଇଛନ୍ତି। ବିଶେଷ କରି ଯୁବ ଟେନିସ୍ପ୍ରେମୀମାନେ ଏହି ଇଭେଣ୍ଟ ପ୍ରତି ଆକର୍ର୍ଷିତ ହେବେ ବୋଲି ୟୁଟିଏସ୍ର ସହ ପ୍ରତିଷ୍ଠାତା ପ୍ୟାଟ୍ରିକ୍ ମୋରାଟୋଗ୍ଲୋ ପ୍ରକାଶ କରିଛନ୍ତି। ୫ ସପ୍ତାହ ଧରି ପ୍ରତି ସପ୍ତାହର ଶେଷରେ ମ୍ୟାଚ୍ ଖେଳାଯିବ। ଟୁର୍ନାମେଣ୍ଟ ରାଉଣ୍ଡ ରବିନ୍ ଭିତ୍ତିରେ ଖେଳାଯାଉଛି। ମ୍ୟାଚଗୁଡ଼ିକର ପ୍ରସାରଣର ବ୍ୟବସ୍ଥା କରାଯାଇଛି। ଏହାର ଟିକିନିଖି ଘଟଣା ଦର୍ଶକମାନେ ଜାଣିପାରିବେ। ୨୩ଥର ଗ୍ରାଣ୍ଡସ୍ଲାମ ବିଜୟିନୀ ସେରେନା ଓ୍ବିଲିୟମ୍ସଙ୍କ କୋଚ୍ ମୋରାଟୋଗ୍ଲୋ ଏବଂ ଅଷ୍ଟ୍ରେଲୀୟ ଖେଳାଳି ଆଲେକ୍ସି ପପିରିନ୍ ମିଳିତ ଭାବେ ଏହି ଟୁର୍ନାମେଣ୍ଟର ଆୟୋଜନ କରିଛନ୍ତି। ପପିରିନ୍ ନିଜେ ମଧ୍ୟ ଏହି ପ୍ରତିଯୋଗିତାରେ ଭାଗ ନେଉଛନ୍ତି। ଟେନିସପ୍ରେମୀମାନେ ସେମାନଙ୍କ ପ୍ରିୟ ଖେଳାଳି ଓ କୋଚ୍ଙ୍କ ସହିତ ଆଲୋଚନାର ସୁବିଧା କରାଯାଇଛି। ଚେଞ୍ଜ୍ଓଭର ଉପରେ ସେମାନେ ପ୍ରଶ୍ନ ମଧ୍ୟ କରିପାରିବେ। ବଦ୍ରାଗି ପ୍ରକୃତିର ହୋଇଥିବାରୁ ୨୨ତମ ର଼୍ୟାଙ୍କିଙ୍ଗପ୍ରାପ୍ତ ଫ୍ରେଞ୍ଚ୍ ଖେଳାଳି ବେନଏଟ ପାଇରେ ଏହି ଟୁର୍ନାମେଣ୍ଟରେ ଆକର୍ଷଣ କେନ୍ଦ୍ର ବିନ୍ଦୁ ହେବେ ବୋଲି ଆଶା କରାଯାଉଛି। ଇଭେଣ୍ଟଟି ଆଣ୍ଟିବିଜ୍ ନିକଟବର୍ତ୍ତୀ ମୋରାଟୋଗୋଲୋଙ୍କ ଏକାଡେମୀରେ ଅନୁଷ୍ଠିତ ହେଉଛି। କରୋନାଭାଇରସ୍ ଜନିତ କଟକଣା ଯୋଗୁ ଦର୍ଶକମାନଙ୍କୁ ଇଭେଣ୍ଟ ସ୍ଥଳକୁ ଅନୁମତି ନାହିଁ। ସୀମିତ ସଂଖ୍ୟକ ଷ୍ଟାଫ୍ ବ୍ୟତୀତ ସାମାଜିକ ଦୂରତ୍ୱ ରକ୍ଷା ଦିଗରେ ଧ୍ୟାନ ଦିଆଯାଉଛି। ୧୦ମ ର୍ୟଙ୍କିଙ୍ଗପ୍ରାପ୍ତ ଡେଭିଡ୍ ଗଫିନ ମଧ୍ୟ ଖେଳୁଛନ୍ତି। ଫାଇନାଲ ଟପ୍ ଟେନ୍ ମେମ୍ବର ଚଳିତ ସପ୍ତାହରେ ଘୋଷଣା କରାଯିବ। ପ୍ରତିଯୋଗିତାରେ ଭାଗ ନେଉଥିବା ଅନ୍ୟ ଖେଳାଳିମାନଙ୍କ ମଧ୍ୟରେ ଅଛନ୍ତି ୧୦ମ ର଼୍ୟାଙ୍କିଙ୍ଗପ୍ରାପ୍ତ ଡେଭିଡ୍ ଗଫିନ୍ ଫେଲିକ୍ସ ଅଗର ଆଲିଆସ୍ମି, ରିଚାର୍ଡ ଗାସ୍କ୍ବେଟ, ଲୁକାସ ପୋଲି ଏବଂ ଡଷ୍ଟିନ୍ ବ୍ରାଉନ୍। ୧୯ବର୍ଷୀୟ ଅଗର ଅଲିଆସ୍ମି ହେଉଛନ୍ତି ଟୁର୍ନାମେଣ୍ଟର ସର୍ବକନିଷ୍ଠ ଖେଳାଳି।
