ଆଜିର ଯୁଗରେ ବିନା ଟଙ୍କାରେ କୌଣସି ଜିନିଷ ମିଳେ ନାହିଁ। କିନ୍ତୁ ପୃଥିବୀରେ ରହିଛି ଏଭଳି ଏକ ସ୍ଥାନ ଯେଉଁଠାରେ ବିନା ଟଙ୍କା ଖର୍ଚ୍ଚ କରି ଆପଣ ଜିନିଷ କିଣିପାରିବେ। ଆସାମର ମୋରିଗାଓଁ ଜିଲାରେ ପ୍ରତିବର୍ଷ ‘ଜୋନବିଲ’ ନାମକ ଏକ ମେଳା ଲାଗେ ଯେଉଁଠାରେ ଲୋକେ ବିନା ଟଙ୍କା ଖର୍ଚ୍ଚ କରି ଜିନିଷ କିଣିବାର ସୁଯୋଗ ପାଇଥାନ୍ତି। ଆସାମର ପାହାଡିଆ ଜନଜାତି ଏବଂ ସହରାଞ୍ଚଳ ଜନଜାତି ନିଜ ନିଜ ସାମଗ୍ରୀ ବିକ୍ରୟ କରିବା ପାଇଁ ଏହି ମେଳାରେ ବହୁ ସଂଖ୍ୟାରେ ଯୋଗଦାନ କରନ୍ତି। କିନ୍ତୁ ଆଶ୍ଚର୍ଯ୍ୟର କଥା ଏହି ମେଳାରେ ଟଙ୍କା ପଇସାର କାରବାର ହୋଇ ନ ଥାଏ ବରଂ ଲୋକମାନେ ଜିନିଷ ବଦଳରେ ଜିନିଷ ଦେଇ କିଣା ବିକା କରିଥାନ୍ତି। ଏଠାରେ ସାଧାରଣତଃ କୃଷିଜାତ ଦ୍ରବ୍ୟ, ମାଛ, ଘରକରଣା ଜିନିଷ ଆଦିର ଅଦଳବଦଳ ହୋଇଥାଏ। ଏହି ଅବସରରେ ମେଳା ଆରମ୍ଭରୁ ଅଧିବାସୀମାନେ ଅଗ୍ନି ପୂଜା କରିଥାନ୍ତି ଏବଂ ତା’ ସହ ସାମୂହିକ ମାଛ ଧରିବା ପରମ୍ପରା ମଧ୍ୟ ଆୟୋଜିତ ହୋଇଥାଏ। ଏହି ମେଳା ଦୀର୍ଘ ୫ଶହ ବର୍ଷ ଧରି ଏଭଳି ଚାଲି ଆସୁଛି। ତେବେ ଏଠାକାର ଅଧିବାସୀଙ୍କ ମଧ୍ୟରେ