ନିଜ ପ୍ରିୟଜନଙ୍କ ମୃତ୍ୟୁ ପରେ ସେମାନଙ୍କ ସ୍ମୃତିକୁ ସାଉଣ୍ଟିବାକୁ ଲୋକେ ଅନେକ ଉପାୟ ଆପଣାଇଥାନ୍ତି। କିନ୍ତୁ ଆମ ଦେଶରେ ଏଭଳି କିଛି ଜନଜାତି ଅଛନ୍ତି, ଯେଉଁମାନେ ନିଜ ପ୍ରିୟଜନଙ୍କ ମୃତ୍ୟୁ ପରେ ସେମାନଙ୍କ ସ୍ମୃତି ସାଉଣ୍ଟିବା ପରିବର୍ତ୍ତେ ଘରଦ୍ୱାର ଛାଡ଼ି ଅନ୍ୟତ୍ର ଚାଲିଯାନ୍ତି। ଏଭଳି ଅଦ୍ଭୁତ ପରମ୍ପରା ଛତିଶଗଡ଼ର ବସ୍ତର ଜିଲାରେ ରହୁଥିବା ବେଗା ଜନଜାତିଙ୍କ ମଧ୍ୟରେ ଦେଖିବାକୁ ମିଳେ। ଏହି ସମୁଦାୟ ଅନ୍ୟ କାହା ସହ ବେଶୀ ମିଳାମିଶା କରିବାକୁ ପସନ୍ଦ କରନ୍ତି ନାହଁି। ନିଜ ପରିବାର ବ୍ୟତୀତ କାହା ସହ ତାଙ୍କର ପରିଚୟ ନ ଥାଏ। କିନ୍ତୁ ପରିବାରର କୌଣସି ଲୋକଙ୍କ ମୃତ୍ୟୁ ହେଲେ, ସେମାନେ ସମ୍ପୂର୍ଣ୍ଣ ଘରଡିହ ଛାଡ଼ି ଅନ୍ୟସ୍ଥାନରେ ନୂଆ ଘର ତିଆରି କରି ରୁହନ୍ତି। କାରଣ ସେମାନଙ୍କ ବିଶ୍ୱାସ ଥାଏ, କୁଳଦେବୀଙ୍କ ପ୍ରକୋପରୁ ପରିବାର ସଦସ୍ୟଙ୍କ ମୃତ୍ୟୁ ହୁଏ। ମୃତ୍ୟୁ ପରେ ଅନ୍ୟ ସଦସ୍ୟ ଯଦି ସ୍ଥାନ ପରିତ୍ୟାଗ ନ କରନ୍ତି, ତେବେ ସେମାନଙ୍କ ଉପରେ ଦେବୀ କୋପ କରିବେ।