କୁକୁଡାଖଣ୍ଡି,୧ା୧୧(ଡି.ଏନ.ଏ.)- କୁକୁଡାଖଣ୍ଡି ବ୍ଲକ କଙ୍କିଆ ପଞ୍ଚାୟତର ଯୋଗାଣ ସହାୟକଙ୍କୁ ଗ୍ରାମର ଏକ ପରିବାର ଆକ୍ରମଣ କରିଥିବା ଗୋଳନ୍ଥରା ଥାନାରେ ଅଭିଯୋଗ ହୋଇଛି। ପ୍ରକାଶ ଯେ, କଙ୍କିଆ ପଞ୍ଚାୟତର ଯୋଗାଣ ସହାୟକ ସୁମିତ୍ରା ନାହାକ ଗୁରବାର ପଞ୍ଚାୟତ କାର୍ଯ୍ୟାଳୟଠାରେ ଚାଉଳ ବାଣ୍ଟୁଥିଲେ। ଗ୍ରାମର ମମତା ନାୟକ ଚାଉଳ ନେବାକୁ ଆସିଥିଲେ। କିନ୍ତୁ ଧାଡିରେ ନଛିଡା ହୋଇ ଚାଉଳ ନେବାକୁ ଅଡି ବସିଥିଲେ। ଉପସ୍ଥିତ ଲୋକେ ବୁଝାସୁଝା କରିବାପରେ ଧାଡିରେ ରହି ଚାଉଳ ନେଇଥିଲେ। ପୁଣି କିଛି ସମୟ ପରେ ମମତା ପରିବାର ଲୋକଙ୍କ ସହ ଆସି ଯୋଗାଣ ସହାୟକଙ୍କୁ ଗାଳିଗୁଲଜ କରିବା ସହ ଆକ୍ରମଣ କରି କାନଫୁଲ, ମଙ୍ଗଳସୂତ୍ର ଛିଡାଇ ନେଇଥିବା ସେ ଅଭିଯୋଗ କରିଛନ୍ତି। ଯୋଗାଣ ସହାୟକ ଏନେଇ କୁକୁଡାଖଣ୍ଡି ବିଡିଓଙ୍କୁ ଜଣାଇବା ପରେ ବିଡିଓ ଗଦାଧର ପାତ୍ର, ଯୋଗାଣ ଅଧିକାରୀ ଏମ. ପ୍ରଶାନ୍ତ ରାଓ ଘଟଣାସ୍ଥଳରେ ପହଞ୍ଚତ୍ ଘଟଣାର ଅନୁଧ୍ୟାନକରି ଗୋଳନ୍ଥରା ଥାନାକୁ ଖବର ଦେଇଥିଲେ। ପୋଲିସ ପହଞ୍ଚତ୍ ତଦନ୍ତ କରିଥିଲା। ଗୋଳନ୍ଥାରା ଥାନାରେ ଉଭୟ ପକ୍ଷରୁ ଏତଲା ହୋଇଛି। ମମତା ନାୟକଙ୍କ ଅଭିଯୋଗକ୍ରମେ ନଂ.୨୭୬/୧୯ ଓ ଯୋଗାଣ ଅଧିକାରୀଙ୍କ ଅଭିଯୋଗକ୍ରମେ ନଂ.୨୭୭/୧୯ରେ ମାମଲା ରୁଜୁ ହୋଇଛି। ତଦନ୍ତ ଜାରି ରହିଥିବା ଗୋଳନ୍ଥରା ଥାନା ଅଧିକାରୀ ବାବୁଲି ନାୟକ ସୂଚନା ଦେଇଛନ୍ତି।