ଯୋଗ ଆମକୁ ଶୃଙ୍ଖଳା ଓ ସମୟାନୁବର୍ତ୍ତିତା ଶିଖାଇଥାଏ। ଏତଦ୍ବ୍ୟତୀତ ଉତ୍ତମ ସ୍ବାସ୍ଥ୍ୟ ପାଇଁ ଯୋଗଠାରୁ ଭଲ ମହୌଷଧି କିଛି ନାହିଁ। ଖାସ୍ ଏଥିପାଇଁ ତ ବଲିଉଡ୍ର ଅଭିନେତ୍ରୀମାନେ ନିଜର ବ୍ୟସ୍ତବହୁଳ ଜୀବନ ମଧ୍ୟରୁ କିଛି ସମୟ ବାହାର କରି ଯୋଗ କରିଥାନ୍ତି। ଯେଉଁଥିପାଇଁ ସେମାନେ ଫିଟ୍ ରହିଛନ୍ତି। ହେମାମାଳିନୀ ହୁଅନ୍ତୁ କି ଶିଳ୍ପା ସେଟ୍ଟୀ। ପ୍ରତିଦିନ ଯୋଗ କରି ସୌନ୍ଦର୍ଯ୍ୟକୁ ଅକ୍ଷୁର୍ନ ରଖିଛନ୍ତି। ସେହିପରି କରୀନା କପୁର, ମଲାଇକା ଆରୋରା, ବିପାଶା ବସୁ ମଧ୍ୟ ପ୍ରତିଦିନ କିଛି ସମୟ ଯୋଗ କରିଥାନ୍ତି। ଆଜି ଅର୍ଥାତ୍ ଜୁନ୍ ୨୧ରେ ଯୋଗ ଦିବସ ଉପଲକ୍ଷେ ଏହି ଅଭିନେତ୍ରୀମାନେ ଯୋଗାଭ୍ୟାସ କରିଛନ୍ତି।
ହେମାମାଳିନୀ : ନିଜର ସୁନ୍ଦର ଚେହେରା ପାଇଁ ହେମା ଯୋଗକୁ ଶ୍ରେୟ ଦିଅନ୍ତି। ସେ ପ୍ରତିଦିନ କିଛି ସମୟ ଯୋଗ କରିଥାନ୍ତି। ଛୋଟବେଳୁ ହେମା ଯୋଗ କରିଆସୁଛନ୍ତି।
ଶିଳ୍ପା ସେଟ୍ଟୀ : ଶାରୀରିକ ଏବଂ ମାନସିକ ସୁସ୍ଥତା ପାଇଁ ପ୍ରତିଦିନ ଯୋଗ ଜରୁରୀ ବୋଲି କୁହନ୍ତି ଶିଳ୍ପା। ଗୋଟିଏ ଦିନ ଯୋଗ ଦିବସ ପାଳନ କରା ନ ଯାଇ ପ୍ରତିଦିନ ଯୋଗ କରିବାକୁ ସେ କହିଛନ୍ତି।
କରୀନା କପୁର : ପ୍ରତିଦିନ ଯୋଗ କରିବା କରୀନାଙ୍କ ଅଭ୍ୟାସ। ଏପରିକି ସେ ତାଙ୍କ ପୁଅ ତୈମୁରକୁ ଏବେଠୁ ଯୋଗାଭ୍ୟାସ କରାଉଛନ୍ତି।
ମଲାଇକା ଆରୋରା : ମଲାଇକା ନିୟମିତ ଯୋଗ କରନ୍ତି। ମୁମ୍ବାଇରେ ସେ ଏକ ଯୋଗ ସେଣ୍ଟର ମଧ୍ୟ ଖୋଲିଛନ୍ତି। ମଲାଇକା କୁହନ୍ତି, ଯୋଗ କଲେ ମନରେ ଶାନ୍ତି ଆସିଥାଏ।
ବିପାଶା ବସୁ : ଯୋଗ କରିବା ଦ୍ୱାରା ଫିଗର ଭଲ ରହିଥାଏ ବୋଲି ବିପାଶା କୁହନ୍ତି। ମାନସିକ ଶାନ୍ତି ସହିତ ଶରୀର ମଧ୍ୟ ସୁସ୍ଥ ରହିଥାଏ।