ଯୋଡ଼ା,୨୮।୧୨(ଡି.ଏନ୍.ଏ.): କେନ୍ଦୁଝର ଜିଲା ଯୋଡ଼ା ସହରର କଳାପାହାଡ଼ ଛକ ନିକଟରେ ଶନିବାର ଭୋର ସମୟରେ ଏକ ଦଶ ଚକିଆ ଟ୍ରକ୍ ଓ ଡମ୍ପର ମଧ୍ୟରେ ଦୁର୍ଘଟଣା ଘଟିଛି ା ଘନକୁହୁଡିରେ ୧୦ ଚକିଆ ଟ୍ରକ୍ (ଡବ୍ଲୁବି ୨୩ସି ୩୨୧୫) ବଡବିଲ ଆଡୁ ବିଲେଇପଦା ଅଭିମୁଖେ ଯାଉଥିଲା ବେଳେ ସମ୍ମୁଖରୁ ଆସୁଥିବା ଡମ୍ପର ନଂ (ଓଆର୦୯କେ୦୫୭୯)କୁ ଧକ୍କା ଦେଇଥିଲା ା ଏହା ପରେ ଉକ୍ତ ଡମ୍ପର ପଛରେ ଆସୁଥିବା ଅନ୍ୟ ଏକ ଡମ୍ପର (ଓଆର ୦୯ ଜେ ୯୨୪୨) ଡମ୍ପରଟିକୁ ଧକ୍କା ଦେଇଥିଲା ା ଫଳରେ ଡମ୍ପରଦ୍ୱୟ ରାସ୍ତା ତଳକୁ ଓଲଟି ପଡିଥିଲା ା ତେବେ ଟ୍ରକ୍ ଏବଂ ଡମ୍ପରଦ୍ୱୟର ଡ୍ରାଇଭର ଓ ହେଲ୍ପର ଅଳ୍ପକେ ବର୍ତ୍ତି ଯାଇଥିବା ବେଳେ ଗାଡିଗୁଡ଼ିକ ଭାଙ୍ଗିରୁଜି ଯାଇଥିବା ଜଣାପଡିଛିା ଯୋଡା ପୋଲିସ ପକ୍ଷରୁ କ୍ରେନ୍ ଲଗାଇ ଗାଡିଗୁଡ଼ିକୁ ଉଦ୍ଧାର କରାଯାଇଛି ା