ପିଜୁଳି ଏକ ସ୍ୱାଦିଷ୍ଟ ଫଳ । ଏହା ସ୍ୱାସ୍ଥ୍ୟ ପାଇଁ ମଧ୍ୟ ଖୁବ୍ ଉପକାରୀ । ବିଶେଷ କରି ଯେଉଁମାନଙ୍କର ଡାଇବେଟିସ ବା ମଧୁମେହ ରହିଛି ସେମାନଙ୍କୁ ପିଜୁଳି ଖାଇବାକୁ ଡାକ୍ତର କହିଥାଆନ୍ତି । ତେବେ ଏହି ଫଳ ଯେତିକି ଲାଭକାରୀ ଏହାର ପତ୍ର ମଧ୍ୟ ସେତିକି ଉପକାରୀ ।
-ପିଜୁଳି ପତ୍ରରେ ଇନସୁଲିନର ମାତ୍ରା ବହୁ ପରିମାଣରେ ଥାଏ । ତେଣୁ ଏହାର କାଢା ପ୍ରସ୍ତୁତ କରି ପିଇଲେ ଏହା ଗ୍ଲୁକୋଜକୁ ନିୟନ୍ତ୍ରଣରେ ରଖିଥାଏ ।
-ଯଦି ତୁଣ୍ଡ ଘାଁ ହୋଇଛି ବା ମାଢି ସମସ୍ୟା ଦେଖାଦେଇଛି ତେବେ ପିଜୁଳି ପତ୍ର ଚୋବାଇଲେ ଏହା ଠିକ୍ ହୋଇଥାଏ ।
-ଉଚ୍ଚ ରକ୍ତଚାପ ଥିଲେ ପିଜୁଳି ପତ୍ରକୁ ପାଣିରେ ସିଝାଇ ସକାଳେ ଖାଲି ପେଟରେ ପିଇଲେ ଏହା ରକ୍ତଚାପକୁ ନିୟନ୍ତ୍ରଣରେ ରଖିଥାଏ ।
-ସାଧାରଣତଃ ଛୋଟ ପିଲାଙ୍କ ନିକଟରେ କୃମି ସମସ୍ୟା ଅଧିକାଂଶ ସମୟରେ ଦେଖାଯାଇଥାଏ । ଏଭଳି ସମସ୍ୟା ଥିଲେ ପିଜୁଳି ପତ୍ର ଚୋବାଇଲେ ଏହା ଠିକ୍ ହୋଇଥାଏ ।
-ପିଜୁଳି ପତ୍ରରେ ଆଣ୍ଟିଅକ୍ସିଡାଣ୍ଟ ଓ ଲାଇକୋପିନ ଅଧିକ ପରିମାଣରେ ରହିଛି ଯାହା କ୍ୟାନସର ଭଳି ରୋଗ ସହ ଲଢିବାରେ ସହାୟକ ହୋଇଥାଏ ।