ଜୁନାଗଡ,୨।୮(ଡି.ଏନ.ଏ.)-କଳାହାଣ୍ଡି ଜିଲା ଜୁନାଗଡ ବ୍ଲକ ନୂଆଗୁଡା-ଭେଜିପଦର ଗ୍ରାମକୁ ସଂଯୋଗ କରୁଥିବା ଦେଢ କି.ମି. ରାସ୍ତା ରକ୍ଷଣାବେକ୍ଷଣ ଅଭାବ ଏବେ ମରଣଯନ୍ତ୍ରା ପାଲଟିଛି। ଦୀର୍ଘ ୧୦ ବର୍ଷରୁ ଊର୍ଦ୍ଧ୍ୱ ହେବ ରାସ୍ତା ମରାମତି କରାଯାଇ ନ ଥିବାରୁ ଏପରି ହୋଇଥିବା ଜଣାପଡିଛି। ଏହାକୁ ନେଇ ଉଭୟ ଗ୍ରାମବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି।
ରାସ୍ତାସାରା ବଡ ବଡ ଖାଲ ହେବାସହ ଗୋଟିଏ ସ୍ଥାନରେ ଗତ କିଛି ମାସ ହେବ ବଡ ଗର୍ତ୍ତ ହୋଇଛି। ରାସ୍ତାର ଏପରି ଅବସ୍ଥା ଯୋଗୁ ସ୍ଥାନୀୟ ଲୋକେ ନାହଁି ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି। ଏପରିକି ଗାଡିମୋଟର ଚାଳକମାନେ ଉକ୍ତ ରାସ୍ତାରେ ଯାତାୟାତ କରିବା ଏବେ ବନ୍ଦ କରିଦେଇଛନ୍ତି। ଫଳରେ ସେମାନେ ଏବେ ଯମୁନାବାହାଲ (କ) ଗ୍ରାମ ଦେଇ ବୁଲି ଯମୁନାବାହାଲ, ଭେଜିପଦର, ମିଚାଗଁା, ଆଟିଗଁା ଓ ତଳମଲା ଆଦି ଗ୍ରାମକୁ ଯାଉଛନ୍ତି। ଏହି ରାସ୍ତା ଉପରେ ଚିଚୈଗୁଡା ପଞ୍ଚାୟତ ସମେତ କଳିଆକୁଣ୍ଡଲ, ଆଟିଗଁା ଓ ତଳମଲା ଆଦି ୪ଟି ପଞ୍ଚାୟତ ପ୍ରାୟ ୨୦ ହଜାରରୁ ଊଦ୍ଧ୍ୱର୍ର୍ ଜନସାଧାରଣ ନିର୍ଭର କରିଥାନ୍ତି। ଦୀର୍ଘଦିନ ହେବ ରାସ୍ତା ମରାମତି ପାଇଁ ସ୍ଥାନୀୟ ଲୋକେ ପ୍ରଶାସନ, ରାଜନେତାଙ୍କୁ ଦାବି ଜଣାଉଥିଲେ ମଧ୍ୟ କିଛି ସୁଫଳ ମିଳିପାରୁନାହଁି। ଏହି ରାସ୍ତା ବ୍ଲକ ଅଧୀନରେ ଥିବାବେଳେ ଦୀର୍ଘ ୧୦ବର୍ଷରୁ ଊର୍ଦ୍ଧ୍ୱ ପରେ ବି ମରାମତି ଦିଗରେ ବ୍ଲକ ପ୍ରଶାସନ ଦୃଷ୍ଟି ନ ଦେବା ସାଧାରଣରେ ଆଶ୍ଚର୍ଯ୍ୟର ବିଷୟ। ଏ ନେଇ ବ୍ଲକ ସହକାରୀ ଯନ୍ତ୍ରୀ ଗୋବିନ୍ଦ ବଲ୍ଲଭ ମହାରଣାଙ୍କୁ ପଚାରିବାରୁ ରାସ୍ତାର ଅନୁଧ୍ୟାନ କରି ପଦକ୍ଷେପ ନିଆଯିବ ବୋଲି କହିଥିଲେ।