କଲମ୍ବୋ,୨୯।୪: କଥାରେ ଅଛି ରଖେ ହରି ମାରେ କିଏ?। ଏହା ମୂଳ ଭାରତୀୟ ଦମ୍ପତ୍ତି ଅଭିନବ ଚାରି ଏବଂ ତାଙ୍କ ସ୍ତ୍ରୀ ନବରୂପ ଚାରିଙ୍କ ପାଇଁ ସତ୍ୟରେ ପରିଣତ ହୋଇଛି। ଏବେ ଅଭିନବ ଦୁବାଇରେ ରହୁଛନ୍ତି। ସେ ଶ୍ରୀଲଙ୍କାରେ ସିରିଜ୍ ବିସ୍ଫୋରଣ ସମୟରେ କଲମ୍ବୋର ସିନ୍ମୋନ୍ ଗ୍ରାଣ୍ଡ ହୋଟେଲରେ ରହିଥିଲେ। ଏହି ହୋଟେଲକୁ ମଧ୍ୟ ଟାଗେର୍ଟ କରାଯାଇଥିଲା। ଏହି ଦମ୍ପତ୍ତି ଠାକୁରଙ୍କ କୃପାରୁ ରକ୍ଷା ପାଇଥିଲେ। ୨୦୦୮ରେ ନଭେମ୍ବର ୨୬ରେ ହୋଇଥିବା ମୁମ୍ବାଇ ଆକ୍ରମଣ ସମୟରେ ଏହି ଦମ୍ପତ୍ତିଙ୍କର ମଧ୍ୟ କୌଣସି କ୍ଷତି ହୋଇ ନ ଥିଲା। ସେମାନେ ପ୍ରଥମଥର ଦୁବାଇରୁ ୨୦୦୮ରେ ମୁମ୍ବାଇ ଆସିଥିବା ସମୟରେ ଏଭଳି ଘଟଣା ଦେଖିଥିବାବେଳେ ଦ୍ୱିତୀୟ ଥର ୨୦୧୯ରେ କଲମ୍ବୋ ବ୍ୟବସାୟିକ ଯାତ୍ରାରେ ଆସି ଅନୁରୂପ ସ୍ଥିତିର ସମ୍ମୁଖୀନ ହୋଇଥିବା ପ୍ରକାଶ କରିଛନ୍ତି।