ଲଣ୍ଡନ, ୨୭ା୩ (ଏଏଫ୍ପି)-କରୋନା ଭାଇରସ୍ ବିପକ୍ଷରେ ଚାଲିଥିବା ଲଢେଇରେ ଉଲ୍ଲେଖନୀୟ ଭୂମିକା ଗ୍ରହଣ କରିଥିବା କର୍ମଚାରୀଙ୍କ ପାଇଁ ୨୦୨୧ ରଗ୍ବୀ ବିଶ୍ୱକପ୍ ଦେଖିବା ଲାଗି ମାଗଣା ଟିକେଟର ବ୍ୟବସ୍ଥା କରାଯାଇଛି। ଟୁର୍ନାମେଣ୍ଟର ମୁଖ୍ୟ କାର୍ଯ୍ୟନିର୍ବାହୀ ଜନ୍ ଡଟନ ଗୁରୁବାର ଏକ ଅନ୍ଲାଇନ୍ ଖବରଦାତା ସମ୍ମିଳନୀରେ ଏହି ଘୋଷଣା କରିଛନ୍ତି। କରୋନା ଭାଇରସ୍ ବିରୋଧରେ ଚାଲିଥିବା ମୁକାବିଲାରେ ବ୍ରିଟେନର ନ୍ୟାଶନାଲ ହେଲ୍ଥ ସର୍ଭିସର ଭୂମିକାକୁ ଦେଶ ବ୍ୟାପୀ ପ୍ରଶଂସା କରାଯାଉଛି। ଏହି ପରିପ୍ରେକ୍ଷୀରେ ୟୁନାଇଟେଡ୍ କିଙ୍ଗଡମ୍ (ୟୁକେ)ର ପ୍ରମୁଖ ସ୍ବାର୍ଥକର୍ମିମାନଙ୍କ ଲାଗି ୨୦,୦୨୧ ମାଗଣା ଟିକେଟ ବ୍ୟବସ୍ଥା କରାଯିବା ସମ୍ପର୍କରେ ସର୍ବସମ୍ମତି ନିଷ୍ପତ୍ତି ନିଆଯାଇଥିବା ଡଟନ କହିଛନ୍ତି। ରଗ୍ବୀ ଲିଗ୍ ବିଶ୍ୱକପ୍ ଆସନ୍ତାବର୍ଷ ଅକ୍ଟୋବର ଓ ନଭେମ୍ବରରେ ହେବାର କାର୍ଯ୍ୟକ୍ରମ ରହିଛି। କୋଭିଡ୍-୧୯ ପାଇଁ ବର୍ତ୍ତମାନ ସମଗ୍ର ବିଶ୍ୱରେ କ୍ରୀଡ଼ା କାର୍ଯ୍ୟକଳାପ ନିସ୍ତେଜ ହୋଇଯାଇଛି। ତେବେ ସେତେବେଳେକୁ ପରିସ୍ଥିତିରେ ସୁଧାର ଆସିଯାଇଥିବ ବୋଲି ଡଟନ ଆଶା ପ୍ରକାଶ କରି କହିଛନ୍ତି।