ସାଇବେରିୟାର ଉଚ୍ଚତମ ଶୃଙ୍ଗ ବେଲୁଖା ପର୍ବତ। ନିକଟରେ ଏହି ପର୍ବତର ଉପରିଭାଗରେ ଦେଖିବାକୁ ମିଳିଥିଲା ଏକ ଚମତ୍କାର ଦୃଶ୍ୟ। କିଛି ରଙ୍ଗିନ ବାଦଲ ଏହି ପର୍ବତର ଶିଖର ଦେଶରେ ଭାସମାନ ହୋଇ ଏକ ଦିବ୍ୟ ପରିବେଶ ସୃଷ୍ଟି କରୁଥିଲା। ଆଉ ଉକ୍ତ ଦୃଶ୍ୟକୁ ଶ୍ୱେତଲାନା କାଜିନା ନାମ୍ନୀ ଜଣେ ଫଟୋଗ୍ରାଫର ନିଜ କ୍ୟାମେରାରେ ଉତ୍ତୋଳନ କରିଥିଲେ। ସାବୁନ୍ ଫେଣର ଫୋଟକା ବା ପାଣି ଉପରେ ତେଲ ଭାସମାନ ହେଲେ ଯେଉଁଭଳି ରଙ୍ଗିନ ଦୃଶ୍ୟ ଦେଖିବାକୁ ମିଳେ, ଠିକ୍ ସେହିଭଳି ଥିଲା ସେହି ବାଦଲ୍ର ରଙ୍ଗ। ଶିଖର ଦେଶରେ ପବନର ବେଗ ବି ଅଧିକ ଥିବାରୁ ସେହି ବାଦଲ ଭିନ୍ନ ଭିନ୍ନ ଆକାର ନେଉଥିଲା। ଆଉ ସେହି ବାଦଲ ବହୁତ ପତଳା ବି ଥିଲା। ତେଣୁ ତାହା ବେଶ୍ ଆକର୍ଷକ ଲାଗୁଥିଲା।