ନୂଆଦିଲ୍ଲୀ,୯।୧୨- ସୋମବାରଠାରୁ ଚଳିତ ସିଜନର ରଣଜୀ ଟ୍ରଫି ଟୁର୍ନାମେଣ୍ଟ ଆରମ୍ଭ ହୋଇଯାଇଛି। ପ୍ରଥମ ଦିନରେ ହିଁ ଏକ ଚକିତ କଲା ଭଳି ଘଟଣା ସାମ୍ନାକୁ ଆସିଛି। ଗ୍ରାଉଣ୍ଡରେ ଶାପ ପଶିବା କାରଣରୁ ବିଦର୍ଭ-ଆନ୍ଧ୍ର ପ୍ରଦେଶ ମ୍ୟାଚ୍ ବିଳମ୍ଭରେ ଆରମ୍ଭ ହୋଇଛି। ଏ ଘଟଣା ସମ୍ପର୍କରେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ତା’ର ଅଫିସିଆଲ ଡୋମେଷ୍ଟିକ ଟୁଇଟ୍ର ହ୍ୟାଣ୍ଡେଲ ଏକ ଭିଡିଓ ଅପଲୋଡ କରି ସୂଚନା ଦେଇଛି। ବିଦର୍ଭ ଅଧିନାୟକ ଫୈଜ ଫାଜଲ ଟସ ଜିତି ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଛନ୍ତି। ଫାଜଲଙ୍କ ନେତୃତ୍ୱାଧୀନ ବିଦର୍ଭ ଡିଫେଣ୍ଡିଂ ଚାମ୍ପିୟନ। ଗତ ସଂସ୍କରଣ ଫାଇନାଲରେ ସୌରାଷ୍ଟ୍ରକୁ ହରାଇ ଦେଇଥିଲା।