ରାଜକୋଟ,୧୦।୩- ଏଠାରେ ବେଙ୍ଗଲ ଓ ସୌରାଷ୍ଟ୍ର ମଧ୍ୟରେ ଚାଲିଥିବା ରଣଜୀ ଫାଇନାଲ ମ୍ୟାଚ୍ର ପ୍ରଥମ ଦିନରେ ଫିଲ୍ଡ ଅମ୍ପାୟର ସି. ଶାମଶୁଦ୍ଦିନ ଆହତ ହୋଇଛନ୍ତି। ତାଙ୍କ ପେଟରେ ବଲ ବାଜିଛି। ସୌରାଷ୍ଟ୍ର ଦଳ ବ୍ୟାଟିଂ କରୁଥିବାବେଳେ ଜଣେ ବ୍ୟାଟ୍ସମ୍ୟାନ ଏକ ଶକ୍ତିଶାଳୀ ପୁଲ ଶଟ ଖେଳିଥିଲେ, ଯାହାକି ସିଧା ଶାମଶୁଦ୍ଦିନଙ୍କ ପେଟରେ ବାଜିଥିଲା। ପ୍ରବଳ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ଫିଲ୍ଡ ବାହାରକୁ ନିଆଯାଇଥିଲା। ତାଙ୍କ ଅନୁପସ୍ଥିତିରେ ଫିଲ୍ଡ ଅମ୍ପାୟର ଅନନ୍ଥ ପାଦ୍ମନାଭନ ଏକା ମ୍ୟାଚ୍ ପରିଚାଳନା କରିଥିଲେ। ତାଙ୍କୁ ସ୍ଥାନୀୟ ଅମ୍ପାୟର ପିୟୂଷ ଖାକର ସାହାଯ୍ୟ କରିଥିଲେ। ଲଞ୍ଚ ପରେ ପଦ୍ମନାଭନଙ୍କ ସହ ଯୋଗ ଦେଇଥିଲେ ତୃତୀୟ ଅମ୍ପାୟର ଏସ. ରବି। ଶାମଶୁଦ୍ଦିନଙ୍କ ବଦଳରେ ଯଶଓ୍ବନ୍ତ ବାର୍ଡେ ମ୍ୟାଚ୍ ପରିଚାଳନା କରିବେ। ତେବେ ସେ ତୃତୀୟ ଦିନ ଫିଲ୍ଡରେ ଯୋଗ ଦେବେ। ମ୍ୟାଚ୍ର ଦ୍ୱିତୀୟ ଦିନ ମଧ୍ୟ ଶାମଶୁଦ୍ଦିନ ଫିଲ୍ଡଠାରୁ ଦୂରେଇ ରହିଛନ୍ତି। ଗତ ରାତିରେ ଯନ୍ତ୍ରଣା ବଢ଼ିବାରୁ ସେ ସ୍ଥାନୀୟ ମେଡିକାଲରେ ଚେକ୍ ଅକ୍ କରାଇଛନ୍ତି।