ପୁରୀ ଅଫିସ, ୨୦।୬: ଚଳିତବର୍ଷ ବଡ଼ଦାଣ୍ଡରେ ଗଡ଼ିପାରିବନି ରଥ। କରୋନା ସଂକ୍ରମଣକୁ ଦୃଷ୍ଟିରେ ରଖି ସୁପ୍ରିମକୋର୍ଟ ଏହି ରାୟ ଦେବା ପରେ ଭକ୍ତ ଓ ସେବାୟତଙ୍କ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ତେଣୁ ସର୍ବୋଚ୍ଚ ନ୍ୟାୟାଳୟ ତାଙ୍କ ରାୟର ପୁନର୍ବିଚାର କରନ୍ତୁ ଏବଂ ରଥଯାତ୍ରା କରିବା ଲାଗି ଅନୁମତି ଦିଅନ୍ତୁ ବୋଲି ସେବାୟତ ଦାବି କରିଛନ୍ତି। ଏ ନେଇ ଶନିବାର ସିଂହଦାର ସମ୍ମୁଖରେ ସେବାୟତମାନେ ନୀରବ ପ୍ରତିବାଦ କରିଛନ୍ତି। ମୁହଁରେ ମାସ୍କ ପିନ୍ଧି ସାମାଜିକ ଦୂରତା ରକ୍ଷାକରି ଏହି ପ୍ରତିବାଦ କରାଯାଇଛି। ରଥଯାତ୍ରା ସପକ୍ଷରେ ଏବଂ ସରକାରଙ୍କୁ ସମାଲୋଚନା ଲେଖାଥିବା ପ୍ଲାକାର୍ଡ ଧରି ସିଂହଦ୍ବାର ସମ୍ମୁଖରେ ପ୍ରତିବାଦ ଚଳାଇଛନ୍ତି।