ମହାପ୍ରଭୁଙ୍କ ରଥଯାତ୍ରାରେ ହୋଇଥାଏ ସଙ୍ଖୁଡି ଭୋଗ ।
ରଥ ଟଣା ସମୟରେ ଯେଉଁଠି ସନ୍ଧ୍ୟା ହୋଇଯାଏ ରଥ ସେହିଠାରେ ଅଟକି ରହେ। ସେଠାକୁ ଭୋଗ ସାମଗ୍ରୀମାନ ଅଣାଯାଇ ଶ୍ରୀମନ୍ଦିର ବଡସୁଆରଙ୍କ ଦ୍ୱାରା ଭୋଗ ପ୍ରସ୍ତୁତ କରାଯାଇ ରଥ ଉପରେ ମଣୋହି କରାଯାଏ। ଶ୍ରୀଜଗନ୍ନାଥ ବଲ୍ଲଭ ମଠ, ମାଜଣା ଜାଗା, ଚାଉଳିଆ ମଠ, ଦଶାବତାର ମଠରେ ଏହି ଭୋଗ ପ୍ରସ୍ତୁତ ହୁଏ। ସଙ୍ଖୁଡି ଭୋଗ ଭାବରେ ଅମାଲୁ, କାକରା, ଟାକୁଆ, କେଳି, ମାଣ୍ଡୁଅ, ଝିଲି ଇତ୍ୟାଦି ଲାଗି ହୋଇଥାଏ। ମାତ୍ର ଏହି ପରମ୍ପରା ପ୍ରାୟ ୧୦୦ବର୍ଷ ହେବ ବନ୍ଦ ରହିଛି। ଏହି ଭୋଗ ପରିବର୍ତ୍ତେ ବର୍ତ୍ତମାନ ସ୍ବତନ୍ତ୍ର କୋରା, ବଲ୍ଲଭ, ବିଭିନ୍ନ ପ୍ରକାର ଫଳ, ନଡିଆ ଇତ୍ୟାଦି ଭୋଗ କରାଯାଉଛି।
