ନୂଆଦିଲ୍ଲୀ,୭-୯: ଦେଶର ରପ୍ତାନି ବୃଦ୍ଧି କରିବା ଲାଗି କେନ୍ଦ୍ର ସରକାର ଦିନେ ଦୁଇଦିନ ଭିତରେ ଏକ ପ୍ରୋତ୍ସାହନ ପ୍ୟାକେଜ ଘୋଷଣା କରିବାକୁ ଯାଉଛନ୍ତି। ଏ ସଂକ୍ରାନ୍ତରେ ସୂଚନା ଦେଇ ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ପ୍ୟାକେଜ ସ୍ଥିର କରିବା ନେଇ ଇତିମଧ୍ୟରେ ଅର୍ଥ ଓ ବାଣିଜ୍ୟ ମନ୍ତ୍ରଣାଳୟ ମଧ୍ୟରେ ଏକାଧିକ ଥର ଆଲୋଚନା ହୋଇସାରିଛି। ଘୋଷିତ ହେବାକୁ ଥିବା ପ୍ୟାକେଜରେ ସ୍ବତନ୍ତ୍ର ଆର୍ଥିକ କ୍ଷେତ୍ର(ଏସ୍ଇଜେଡ୍)ରେ କାର୍ଯ୍ୟରତ କମ୍ପାନୀଗୁଡ଼ିକ ପାଇଁ ଟିକସ ଲାଭକୁ ପ୍ରତ୍ୟାହାର କରିବାର ସମୟସୀମା ବୃଦ୍ଧି କରାଯାଇପାରେ ବୋଲି ସେ କହିଛନ୍ତି। ସୂଚନାଥାଉ କି, ୨୦୧୬-୧୭ ସାଧାରଣ ବଜେଟରେ ଘୋଷଣା କରାଯାଇଥିଲା ଯେ, ୨୦୨୦ ମାର୍ଚ୍ଚ ୩୧ ପୂର୍ବରୁ ଏସ୍ଇଜେଡ୍ରେ କାର୍ଯ୍ୟାରମ୍ଭ କରିଥିବା ରପ୍ତାନିକାରୀଙ୍କୁ ଆୟକର ସମ୍ପର୍କିତ ଲାଭ ଦିଆଯିବ। ରନତ୍ ଏବଂ ଗହଣା କ୍ଷେତ୍ରକୁ ପ୍ରୋତ୍ସାହିତ କରିବାକୁ ଯାଇ ସରକାର ରଙ୍ଗୀନ ରନତ୍ ଓ ପଲିସ୍ ହୋଇଥିବା ହୀରା ଉପରେ ଆମଦାନୀ ଶୁଳ୍କ ହ୍ରାସ କରିପାରନ୍ତି। ବର୍ତ୍ତମାନ ଏହି ଶୁଳ୍କ ହାର ୭.୫% ରହିଛି। ଅନ୍ୟପକ୍ଷରେ ସରକାର ଭାରତୀୟ ରପ୍ତାନି ଋଣ ଗ୍ୟାରେଣ୍ଟି ନିଗମ ପକ୍ଷରୁ ଦିଆଯାଉଥିବା ରପ୍ତାନି ଋଣ ଲାଗି ମିଳୁଥିବା ବୀମା କଭରକୁ ୬୦ ପ୍ରତିଶତରୁ ୯୦ ପ୍ରତିଶତକୁ ବୃଦ୍ଧି କରାଯାଇପାରେ।