ମୁମ୍ବାଇ: ବଲିଉଡ୍ ନାୟିକା ରବିନା ଟଣ୍ଡନ ଏବେ ଆଉ ବଡ ପରଦାରେ ନଜର ଆସୁ ନାହାଁନ୍ତି। ହେଲେ ଟେଲିଭିଜନ ରିୟଲିଟି ଶୋ’ ‘ନଚ ବଲିୟେ’ରେ ରବିନାଙ୍କୁ ଦେଖିବାକୁ ମିଳିଛି। ନିକଟରେ ‘ନଚ ବଲିୟେ-୯’ର ଶୁଟିଂ ସମୟରେ ଏମିତି ଏକ ଘଟଣା ଶେୟାର କରିଛନ୍ତି ଅଭିନେତା ରାଜକୁମାର ରାଓ। ଏହି ଶୋ’ର ଶୁଟିଂ ସମୟରେ ରବିନାଙ୍କୁ ପାଖରେ ପାଇ ରାଜକୁମାର ନିଜକୁ ହଜାଇ ଦେଇଥିଲେ ବୋଲି କହିଛନ୍ତି। କାରଣ ପ୍ରଥମରୁ ସେ ଅଭିନେତ୍ରୀ ରବିନାଙ୍କର ଜଣେ ବଡ ଫ୍ୟାନ୍ ବୋଲି କହିଛନ୍ତି। ଯେତେବେଳେ ସେ ରବିନାଙ୍କୁ ‘ଅନ୍ଦାଜ ଅପନା ଅପନା’ ଫିଲ୍ମରେ ଦେଖିଥିଲେ ସେତେବେଳେ ସେ ତାଙ୍କ ପ୍ରଶଂସକ ପାଲଟି ଯାଇଥିଲେ ବୋଲି କହିଛନ୍ତି। ଆଉ ଏତେବର୍ଷ ପରେ ସେ ରବିନାଙ୍କୁ ପାଖରେ ପାଇଥିବାରୁ ତାଙ୍କ ସହ ଦୁଇ ଷ୍ଟେପ ନାଚିବାକୁ ଆଗ୍ରହ ପ୍ରକାଶ ମଧ୍ୟ କରିଥିଲେ। ଆଉ ରବିନା ଏହାକୁ ଏଡାଇ ବି ପାରି ନ ଥିଲେ। ଦୁହେଁ ମିଶି ଷ୍ଟେଜରେ ନାଚିଥିଲେ ମଧ୍ୟ ରବିନା କିଛି ସମୟ ପରେ ଅଟକି ଯାଇ ରାଜକୁମାରଙ୍କ ମୁଣ୍ଡରେ ହାତରେ ଧରିଥିବା ବାଡିରେ ବାଡେଇ ଦେଇଥିଲେ। ହେଲେ ତା’ପରେ ବି ରାଜକୁମାର ରବିନାଙ୍କ ନାଚରେ ହଜିଯାଇ ନାଚିବାରେ ଲାଗିଥିଲେ। ଆଉ ଏତିକି ବେଳେ ରବିନା କହିଥିଲେ ମୁଣ୍ଡରେ ମାଡ ଖାଇବା ପରେ ନାଚିବା ବ୍ୟକ୍ତି ବୋଧହୁଏ କେବଳ ରାଜକୁମାର ହୋଇପାରନ୍ତି। ତେବେ ଉଭୟଙ୍କ ଏହି ନଟଖଟକୁ ସେଠାରେ ଉପସ୍ଥିତ ଥିବା ଦର୍ଶକେ ଖୁବ୍ ଉପଭୋଗ କରିଥିଲେ।