ଭୋପାଳ: ବିଶ୍ୱରେ ଏମିତି କିଛି ସ୍ଥାନ ରହିଛି, ଯାହାର ରହସ୍ୟ ସମ୍ପର୍କରେ ଆଜି ମଧ୍ୟ କାହାକୁ ଜଣାନାହିଁ। ଏପରିକି ବୈଜ୍ଞାନିକମାନେ ଏହାର ରହସ୍ୟ ଜାଣି ପାରିନାହାନ୍ତି। ଏମିତି ଏକ ରହସ୍ୟମୟ କୁଣ୍ଡର ଗଭୀରତା ସମ୍ପର୍କରେ ବୈଜ୍ଞାନିକମାନେ ଆଜିପର୍ଯ୍ୟନ୍ତ ସଠିକ୍ ଜାଣିନାହାନ୍ତି। ଏହି କୁଣ୍ଡଟିର ନାମ ଭୀମକୁଣ୍ଡ। ଏହା ମଧ୍ୟପ୍ରଦେଶର ଛତ୍ରପୁର ଜିଲାଠାରୁ ପ୍ରାୟ ୭୦ କିଲୋମିଟର ଦୂର ବାଜନା ଗାଁରେ ରହିଛି। ଏହି କୁଣ୍ଡର କାହାଣୀ ମହାଭାରତ ସହ ଜଡ଼ିତ ରହିଛି।
କୁଣ୍ଡ ସମ୍ପର୍କରେ କୁହାଯାଏ, ମହାଭାରତ ସମୟରେ ପାଣ୍ଡବମାନେ ଏଣେତେଣେ ବୁଲିବୁଲି ଖୁବ୍ ଜୋର୍ରେ ଶୋଷ ଲାଗୁଥିଲା। କିନ୍ତୁ କେଉଁଆଡ଼େ ପାଣି ମିଳିଲା ନାହିଁ। ସେତେବେଳେ ଭୀମ ନିଜ ଗଦାରେ ଜମି ଖୋଳି ଏଠାରେ କୁଣ୍ଡ ତିଆରି କରି ଶୋଷ ମେଣ୍ଟାଇଥିଲେ। ଏହି କୁଣ୍ଡ ପ୍ରାୟ ୪୦-୮୦ ମିଟର ଚୌଡ଼ା। ଯେମିତି ଦେଖିବାକୁ ଏକ ଗଦା ସଦୃଶ। କୁଣ୍ଡଟି ଦେଖିବାକୁ ସାଧାରଣ ଲାଗୁଥିଲେ ମଧ୍ୟ ଏହାର ବିଶେଷତ୍ତ୍ୱ ଆଶ୍ଚର୍ଯ୍ୟଜନକ।
କୁହାଯାଏ, ପ୍ରାକୃତିକ ବିପର୍ଯ୍ୟୟ ଯଥା ବନ୍ୟା, ବାତ୍ୟା ହୋଇଥାଏ ସେତେବେଳେ କୁଣ୍ଡର ପାଣି ଆପଣାଛାଏଁ ବଢ଼ିଥାଏ। ସବୁଠାରୁ ଆଶ୍ଚର୍ଯ୍ୟର କଥା ହେଲା କୁଣ୍ଡର ଗଭୀରତା ସ୍ଥାନୀୟ ପ୍ରଶାସନଠାରୁ ଆରମ୍ଭ କରି ବୈଜ୍ଞନିକମାନେ ମଧ୍ୟ ଆଜିପର୍ଯ୍ୟନ୍ତ ଜାଣିପାରୁନାହାନ୍ତି। ବିଦେଶୀ ବୈଜ୍ଞାନିକମାନେ ଗଭୀରତା ଜାଣିବା ପାଇଁ ୨୦୦ମିଟର ପର୍ଯ୍ୟନ୍ତ କ୍ୟାମେରା ପଠାଇଥିଲେ। ମାତ୍ର କୌଣସି ସଠିକ୍ ତଥ୍ୟ ଜାଣିପାରି ନ ଥିଲେ। ଏହି କୁଣ୍ଡ ପାଣି ଗଙ୍ଗା ପରି ପବିତ୍ର ବୋଲି ଲୋକେ ମାନିଥାନ୍ତି। ଆଜିପର୍ଯ୍ୟନ୍ତ ଏହି ପାଣି କେବେ ଖରାପ ହୁଏ ନାହିଁ ବୋଲି ସ୍ଥାନୀୟ ଲୋକେ କୁହନ୍ତି।