ରାଇକିଆ,୬।୧(ପ୍ରଦିପ ବେହେରା):କନ୍ଧମାଳ ଜିଲା ରାଇକିଆ ଭାଜପାର ୧୭ ନମ୍ବର ଜୋନ୍ର ମଣ୍ଡଳ ସଭାପତି ଭାବେ ସନ୍ତୋଷ ପାତ୍ରଙ୍କୁ ମନୋନୀତ କରାଯାଇଅଛି । ରାଜ୍ୟ ଭାଜପା ତରଫରୁ ଏ ନେଇ ବିଧିବଧ ଭାବେ ଘୋଷଣା ପରେ ଦଳୀୟକର୍ମୀ ଏବଂ ଶୁଭେଚ୍ଛଙ୍କ ତରଫରୁ ସୋମବାର ତାଙ୍କୁ ସମ୍ବର୍ଦ୍ଧନା ଜ୍ଞାପନ କରାଯାଇଅଛି। ସନ୍ତୋଷ ଜଣେ ପୁରୁଣା କର୍ମୀ ଏବଂ ତାଙ୍କର ତୃଣମୂଳ ସ୍ତରରେ ଦୃଢ଼ ସଂଗଠକ ଭାବେ ଖ୍ୟାତି ରହିଛି । ରାଜ୍ୟ ଭାଜପା ତାଙ୍କ ଉପରେ ଭରସା କରିଥିବାରୁ ସେ କୃତଜ୍ଞତା ଜ୍ଞାପନ କରିବା ସହ ଦଳୀୟ ସଂଗଠନକୁ ଆଗକୁ ନେବାକୁ ଯଥା ସମ୍ଭବ ଚେଷ୍ଟା କରିବେ। ତେବେ ସଧାରଣ ଲୋକ ଯେପରି ସମସ୍ତ ସୁବିଧା ହାସଲ କରିବେ। ରାଜ୍ୟ ଓ କେନ୍ଦ୍ର ସରକାରଙ୍କ ସମସ୍ତ ବିକାଶମୂଳକ କାର୍ଯ୍ୟ ସର୍ବସଧାରଣରେ ପହଞ୍ଚି ପାରିବ ସେ ଦିଗରେ କାର୍ଯ୍ୟ କରିବେ ବୋଲି କହିଛନ୍ତି।
ସେହିପରି ମଣ୍ଡଳ ପ୍ରତିନିଧି ଭାବେ ବରିଷ୍ଠ ଦଳୀୟ କର୍ମୀ ନାରାୟଣ ପାତ୍ରଙ୍କୁ ମନୋନୀତ କରାଯାଇଛି । କାର୍ଯ୍ୟ ରେ କନ୍ଧମାଳ ଏମ୍ପି ପ୍ରତିନିଧି ସନ୍ତୋଷ ଲେଙ୍କା,ପୂର୍ବତନ ଜିଲା ପରିଷଦ ସଭ୍ୟା ଜୁଲିମା ଦଳ ବେହେରାଙ୍କ ସମେତ ଦଳୀୟ କର୍ମକର୍ତ୍ତାମାନେ ଉପସ୍ଥିତ ଥିଲେ ।
