ବାରିପଦା ଅଫିସ, ୧ା୪- ଲକ୍ଡାଉନ ସମୟରେ ଅତ୍ୟାବଶ୍ୟକ ସାମଗ୍ରୀ ନେବା ଆଣିବା ପାଇଁ ଜାତୀୟ ରାଜପଥରେ ଗାଡ଼ିମୋଟର ଚଳାଚଳ ହେଉଛି। ଏହାକୁ ଦୃଷ୍ଟିରେ ରଖି ମୟୂରଭଞ୍ଜ ଜିଲାରେ ୮ଟି ଢାବାକୁ ଖୋଲିବା ପାଇଁ ଜିଲା ପ୍ରଶାସନ ପକ୍ଷରୁ ଅନୁମତି ମିଳିଛି। ଜାତୀୟ ରାଜପଥ ବୈଶିଙ୍ଗାରୁ ବମ୍ବେ ଛକ ଏବଂ ବାଙ୍ଗିରିପୋଷି ଠାରୁ ଯଶିପୁର ମଧ୍ୟରେ ଜାତୀୟ ରାଜପଥ କଡ଼ରେ ଥିବା ୮ଟି ଢାବା ଖୋଲା ରହିବ। ଢାବାରେ କୌଣସି ଖାଦ୍ୟ ପରଷା ଯିବ ନାହିଁ । ହୋଟେଲ ମାଲିକମାନେ ପ୍ୟାକେଟିଂ କରି ଡ଼୍ରାଇଭରମାନଙ୍କୁ ଦେବେ। ଢାବାଗୁଡ଼ିକ ହେଲା ଗଡ଼ଦେଉଳିଆସ୍ଥିତ ମ୍ୟାନେଜର ଢାବା, ବେତନଟୀସ୍ଥିତ ସତନାମ ଢାବା, କୁଳିଅଣାସ୍ଥିତ ଜେଜେ ଢାବା, ବମ୍ବେଛକସ୍ଥିତ ଯାଦବ ହୋଟେଲ, ବାଙ୍ଗିରିପୋଷି ଶିମିଳିଆ ଛକସ୍ଥିତ ଶୁଭମ ହୋଟେଲ, ବିଶୋଇ କଦମବେଢ଼ାସ୍ଥିତ ବସନ୍ତ ଢାବା , ମଣଦା ବନେଇକୀଳାସ୍ଥିତ ମାଧବ ଢାବା ଏବଂ ଯଶିପୁର କୁଇତାସ୍ଥିତ ମହାପାତ୍ର ଢାବା ।