ପାତ୍ରପୁର, ୨୧ା୧୨(ଡି.ଏନ୍.ଏ.): ପାତ୍ରପୁର ତହସିଲ ଅଧୀନ ଶରଧାପୁରଠାରେ ଜୟନ୍ତୀପୁର ରାଜସ୍ବ ନିରୀକ୍ଷକଙ୍କୁ ଠେଲାପେଲା କରି ବେଆଇନ୍ ଇଟାଗାଡ଼ିକୁ ଛଡ଼ାଇ ନେଇଥିବା ଗୁରୁବାର ଜରଡ଼ା ଥାନାରେ ଅଭିଯୋଗ ହୋଇଛି।
୧୭ ତାରିଖରେ ପାତ୍ରପୁର ତହସିଲଦାର ଶ୍ରୀନିବାସ ବେହେରାଙ୍କ ନିର୍ଦ୍ଦେଶରେ ରାଜସ୍ବ ନିରୀକ୍ଷକ ସତ୍ୟବାଦୀ ବେହେରା ଓ କର୍ମଚାରୀ ବିଭିନ୍ନ ସ୍ଥାନରେ ଗାଡ଼ିକୁ ତଲାସି କରୁଥିଲେ। ଏହି ସମୟରେ ବି. ନୂଆଗାଁ ପଞ୍ଚାୟତ ଶରଧାପୁର ନିକଟରେ ରାଜସ୍ବ ନିରୀକ୍ଷକ ଆନ୍ଧ୍ରର ଏକ ଇଟା ବୋଝେଇ ଟ୍ରକ୍କୁ ଅଟକାଇ କାଗଜପତ୍ର ଯାଞ୍ଚ କରିଥିଲେ। ହେଲେ ଚାଳକ କୌଣସି କାଗଜ ପତ୍ର ଦେଖାଇ ପାରି ନ ଥିଲେ । ପରେ ସମ୍ପୃକ୍ତ ଚାଳକ ଫୋନ ଯୋଗେ ଇଟାଭାଟି ମାଲିକଙ୍କୁ କହିଥିଲେ। ଗାଡ଼ି ମାଲିକ ସେଠାରେ କିଛି ଲୋକ ସହ ପହଞ୍ଚତ୍ ରାଜସ୍ବ ନିରୀକ୍ଷକଙ୍କୁ ଠେଲାପେଲା କରିବା ସହ ଗାଡ଼ିକୁ ଜୋରଜବରଦସ୍ତ ନେଇଯାଇଥିଲେ। ଏ ନେଇ ରାଜସ୍ବ ନିରୀକ୍ଷକ ତହସିଲଦାରଙ୍କୁ ଜଣାଇବା ପରେ ଥାନାରେ ଅଭିଯୋଗ କରିଥିଲେ।