ନୂଆଦିଲ୍ଲୀ,୧୯।୮: ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ୭୫ତମ ଜନ୍ମବାର୍ଷିକୀରେ ରାହୁଲ ଗାନ୍ଧୀ ସ୍ବତନ୍ତ୍ର କାର୍ଯ୍ୟକ୍ରମ ଯୋଜନା କରିଛନ୍ତି। ଏହାଦ୍ୱାରା ସେ ଜନତାଙ୍କ ନିକଟତର ହେବାକୁ ଲକ୍ଷ୍ୟ ରଖିଛନ୍ତି। ସମ୍ପ୍ରତି କଂଗ୍ରେସ ଦଳ ଲୋକପ୍ରିୟତା ହରାଇ ବସିଥିବାବେଳେ ରାହୁଲଙ୍କ ଏପରି ଉଦ୍ୟମ ସଫଳ ହେବାର ସମ୍ଭାବନା ଥିବା କୁହାଯାଉଛି। ଏହାର ଏକ ଭିଡ଼ିଓ ରାହୁଲ ଟୁଇଟରରେ ଶେୟାର କରିଛନ୍ତି। ଏଥିରେ ରାଜୀବ ଗାନ୍ଧୀଙ୍କ ବିଭିନ୍ନ ସଫଳତା ସମ୍ପର୍କରେ କୁହାଯାଇଛି। ରାଜୀବଙ୍କ ସମୟରେ ଭାରତ ୨୪୩ ରାଷ୍ଟ୍ର ସହିତ ଯୋଗାଯୋଗ ବ୍ୟବସ୍ଥା ସମ୍ପନ୍ନ କରିପାରିଥିବା ଏଥିରେ ଦର୍ଶାଯାଇଛି।