କଟକ ଅଫିସ,୧୩ା୭- ଆଉ ୪ ଦିନ ପରେ ଜବାହାରଲାଲ ନେହେରୁ ଇନଡୋର ଷ୍ଟାଡିୟମରେ ରାଜ୍ୟଗୋଷ୍ଠୀ ଟେବୁଲ ଟେନିସ କ୍ରୀଡ଼ା ଆରମ୍ଭ ହେବ । ଏ ନେଇ ଶୁକ୍ରବାର ଅପରାହ୍ନରେ ପ୍ରସ୍ତୁତି ଅନୁଧ୍ୟାନ କରିଛନ୍ତି ରାଜ୍ୟ କ୍ରୀଡ଼ା ମନ୍ତ୍ରୀ ତୁଷାରକାନ୍ତି ବେହେରା । ବଡ଼ଧରଣର ଏହି ଟୁର୍ନାମେଣ୍ଟ ନିମନ୍ତେ ସମସ୍ତ କାର୍ଯ୍ୟ ଠିକ ଭାବରେ ଚାଲିଛି ବୋଲି ମନ୍ତ୍ରୀ ବେହେରା ଅନୁଧ୍ୟାନ ଶେଷ କରି କହିଛନ୍ତି । ଅନ୍ୟପକ୍ଷରେ ୧୫ ତାରିଖରେ ଦଳ ଗୁଡ଼ିକ ଓଡ଼ିଶାରେ ପହଞ୍ଚିବା କାର୍ଯ୍ୟ ସୂଚୀ ରହିଥିବା ବେଳେ ଏବେ ସୁଦ୍ଧା ଉଗାଣ୍ଡା ଓ ଜର୍ସି ଦଳ ଭିଜା ସମସ୍ୟା ଭିତରେ ରହିଛନ୍ତି । ଉଭୟ ଦଳ ଆସିବା ନେଇ ପୂର୍ବରୁ ସ୍ପଷ୍ଟ କରିଥିଲେ ମଧ୍ୟ ଏବେ ସୁଦ୍ଧା ସେମାନଙ୍କୁ ଭିଜା ମିଳି ପାରିନାହିଁ ବୋଲି ରାଜ୍ୟ ସଂଘ ସମ୍ପାଦକ ରବୀନ୍ଦ୍ର କୁମାର ପରିଡ଼ା ସୂଚନା ଦେଇଛନ୍ତି ।
