କଲମ୍ବୋ,୨୧।୧୧:ଶ୍ରୀଲଙ୍କାର ପୂର୍ବତନ କ୍ରିକେଟର ମୂଥୟା ମୁରଲିଧରନଙ୍କୁ ନେଇ ଏବେ ଚର୍ଚ୍ଚା। ଏବେ ସେ ଆଉ ଏକ ଇନିଂଶ ଖେଲିବାକୁ ଯାଉଛନ୍ତି। କ୍ରିକେଟରେ ନୁହେଁ ଏଥର ରାଜନୈତିକ ମୈଦାନକୁ ଓହ୍ଲାଇବାର ଯୋଜନା କରୁଛନ୍ତି ମୁରଲିଧରନ। ତାମିଲ ବହୁଳ ଅଞ୍ଚଳରେ ତାଙ୍କୁ ରାଜ୍ୟପାଳ କରାଯିବା ନେଇ ବିଚାର ଚାଲିଥିବା ଜଣାପଡିଛି। ମୁରଲିଧରନ ଭାରତୀୟ ମୂଳର ତାଲିମ ଅଟନ୍ତି। ସେ ଶ୍ରୀଲଙ୍କା କାଣ୍ଡି ସହରରେ ରହୁଛନ୍ତି। ନିକଟରେ ଶ୍ରୀଲଙ୍କାରେ ରାଷ୍ଟ୍ରପତି ନିର୍ବାଚନ ଜିତିଥିବା ଗୋତବାୟା ରାଜପକ୍ସେଙ୍କୁ ସେ ଖୋଲାଖୋଲି ସମର୍ଥନ ଦେଇଥିଲେ। ତେଣୁ ଚର୍ଚ୍ଚା ହେଉଛି କି, ଗୋତାବୟାଙ୍କ ନେତୃତ୍ୱରେ ଗଠିତ ସରକାରରେ ମୁରଲିଧରନଙ୍କୁ ସାମିଲ କରାଯିବ। କିନ୍ତୁ ଏନେଇ କୌଣସି ସ୍ପଷ୍ଟ ସୂଚନା ମିଳିପାରିପାହିଁ। ସୂଚନାଯୋଗ୍ୟ, ଟେଷ୍ଟ କ୍ରିକେଟରେ ସେ ୮୦୦ ଉଇକେଟ ନେଇଛନ୍ତି।