ରାଜ୍ୟର ୪ ପ୍ରମୁଖ ସ୍ଥାନରେ ପହଞ୍ଚିଲା ଶ୍ରମିକ ସ୍ପେଶାଲ ଟ୍ରେନ

ଭୁବନେଶ୍ୱର,୧୪।୫(ଡି.ଏନ.ଏ.)-ରାଜ୍ୟର ୪ଟି ପ୍ରମୁଖ ସ୍ଥାନରେ ଗୁରୁବାର ଶ୍ରମିକ ସ୍ପେଶାଲ ଟ୍ରେନ ଯୋଗେ ପ୍ରବାସୀମାନେ ଆସି ପହଞ୍ଚିଛନ୍ତି। ପ୍ରାୟ ୪ ହଜାରରୁ ଊର୍ଦ୍ଧ୍ୱ ପ୍ରବାସୀ ଭଦ୍ରକ, ଖୋର୍ଦ୍ଧା, ବାଲେଶ୍ୱର ଓ ବଲାଙ୍ଗୀର ଷ୍ଟେଶନରେ ଓହ୍ଲାଇଥିବା ଜଣାପଡ଼ିଛି। ଆନ୍ଧ୍ରପ୍ରଦେଶର ଚିତ୍ତୋର ଷ୍ଟେଶନରୁ ଆସିଥିବା ଟ୍ରେନ ଭଦ୍ରକ ଷ୍ଟେଶନରେ ପହଞ୍ଚିଥିବାବେଳେ ଗୁଣ୍ଟୁରୁ ଷ୍ଟେଶନରୁ ଆସିଥିବା ଏକ ଟ୍ରେନ ବଲାଙ୍ଗୀରରେ ପହଞ୍ଚିଛି। ସେହିପରି ଗୁଜୁରାଟର ମୋର୍ବିଠାରୁ ଆସିଥିବା ପ୍ରବାସୀମାନେ ବାଲେଶ୍ୱର ଷ୍ଟେଶନରେ ଓହ୍ଲାଇଛନ୍ତି। ଗୁଜୁରାଟର ସୁରଟରୁ ଆସିଥିବା ଏକ ଟ୍ରେନ ଖୋର୍ଦ୍ଧାରେ ପହଞ୍ଚିଛି।