ଭୁବନେଶ୍ୱର,୨୮/୧୦(ବ୍ୟୁରୋ):ବିଜେଡ଼ି ଲୋକସଭା ପୂର୍ବତନ ସାଂସଦ କଳିକେଶ ନାରାୟଣ ସିଂଦେଓ ଗୁୁରୁବାର ଓଡ଼ିଶା ରାଜ୍ୟ ଗୃହ ନିର୍ମାଣ ସଂସ୍ଥାର ନୂତନ ଅଧ୍ୟକ୍ଷ ଭାବେ ଯୋଗଦାନ କରିଛନ୍ତି। ରାଜ୍ୟ ସରକାରଙ୍କ ଆଭିମୁଖ୍ୟକୁ ସଫଳ ଭାବେ କାଯର୍ୟ କରିବା ମୋର ଏକମାତ୍ରା ଲକ୍ଷ୍ୟ ବୋଲି ସିଂଦେଓ ମତବ୍ୟକ୍ତ କରିଛନ୍ତି।
ତେବେ ଏହି ଯୋଗଦାନ ସମୟରେ ସଂସ୍ଥାର ପରିଚାଳନା ନିର୍ଦ୍ଦେଶିକା ସାଗରିକା ପଟ୍ଟନାୟକ, ସଚିବ ରଶ୍ମିତାରାଣୀ ତରାସିଆ, ଅର୍ଥ ଉପଦେଷ୍ଟା ତଥା ମୁଖ୍ୟ ହିସାବ ଅଧିକାରୀ ପୁଷ୍ପାଞ୍ଜଳି ତ୍ରିପାଠୀ, ମୁଖ୍ୟଯନ୍ତ୍ରୀ ଲୋକନାଥ ପ୍ରସାଦ ମହାପାତ୍ର ଓ ସଂସ୍ଥାର ଓ୍ବାର୍କର୍ସ ୟୁନିୟନର କର୍ମକର୍ତ୍ତା ମାନେ ଦେଓକୁ ସ୍ବାଗତ କରିଥିଲେ।
ସିଂଦେଓ ବିଗତ ଦିନରେ ଦୁଇଥର ସାଂସଦ ଓ ଥରେ ରାଜ୍ୟର ସର୍ବକନିଷ୍ଠ ବିଧାୟକ ଭାବେ ନିର୍ବାଚିତ ହୋଇ ଦାୟିତ୍ୱ ନିର୍ବାହ କରିଥିବା ବେଳେ ବନ୍ଧୁକ ଚାଳନା ଓ ବାସ୍କେଟ ବଲରେ ଜାତୀୟସ୍ତରର ଖେଳାଳି ଭାବେ ପ୍ରତିନିଧିତ୍ୱ କରିଛନ୍ତି। ସେ ମଧ୍ୟ ଦେଶର ସ୍ବନାମଧନ୍ୟ ଡୁନ୍ ସ୍କୁଲ ଓ ଦିଲ୍ଲୀ ସେଣ୍ଟ ଷ୍ଟିଫେନ୍ କଲେଜର ପ୍ରାକ୍ତନ ଛାତ୍ର ଅଟନ୍ତି। ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତ ରାଜେନ୍ଦ୍ର ନାରାୟଣ ସିଂଦେଓଙ୍କର ସେ ନାତି ଓ ସୁପରିଚିତ ପୂର୍ବତନ ବରିଷ୍ଠ ମନ୍ତ୍ରୀ ଅନଙ୍ଗ ଉଦୟ ସିଂଦେଓଙ୍କ ଜ୍ୟେଷ୍ଠପୁତ୍ର।