![](https://www.dharitri.com/wp-content/uploads/2020/03/kaptipada-prassasan-Pakhya-ru-Ghara-Pheranta-ku-Sachetan-Karajauchhi-.jpg)
କପ୍ତିପଦା, ୨୯ା୩(ଡି.ଏନ.ଏ)- ମୟୂରଭଞ୍ଜ ଜିଲା କପ୍ତିପଦା ବ୍ଲକରେ ଲକଡାଉନର ବେଶ ପ୍ରଭାବ ପଡ଼ିଥିତ୍ବା ଦେଖିବାକୁ ମିଳିଛି। ଜରୁରୀ ସାମଗ୍ରୀ ବ୍ୟତୀତ ଅନ୍ୟ ଦୋକାନ ଗୁଡିକ ସମ୍ପୂର୍ଣ୍ଣ ବନ୍ଦ ରହିଛି । ସ୍ଥାନୀୟ ଥାନା ଆଇଆଇସି ସଞ୍ଜୟ କୁମାର ପ୍ରଧାନଙ୍କ ନେତୃତ୍ୱରେ ପୋଲିସ କଡ଼ା ଆଭିମୁଖ୍ୟ ଗ୍ରହଣ କରିଛି । ଫଳରେ କପ୍ତିପଦା ମୂଖ୍ୟ ବଜାର ସହ ଅନ୍ୟାନ୍ୟ ସ୍ଥାନରେ ରାସ୍ତା ଘାଟ ଖାଁଖାଁ ଲାଗୁଛି । ବିଡିଓ ସତ୍ୟନାଥ ନାଏକ, ତହସିଲଦାର ରାଧା ରଞ୍ଜନ ଦାସ, ବିଇଓ ଶଶୀଧର ସିଂହ, ସିଡିପିଓ ମିତାରାଣୀ ବସା, ଆଇଆଇସି ପ୍ରମୁଖ ବ୍ଲକ୍ ଅଧୀନ ବିଭିନ୍ନ ଗ୍ରାମକୁ ଯାଇ ରାଜ୍ୟ ବାହାରୁ ଘରକୁ ଫେରିଥିବା ଲୋକମାନଙ୍କ ସମ୍ପର୍କରେ ତଥ୍ୟ ସଂଗ୍ରହ କରୁଛନ୍ତି। ଶନିବାର ସୁଦ୍ଧା ରାଜ୍ୟ ବାହାରୁ ୪୦୦ ଜଣ କପ୍ତିପଦା ବ୍ଲକ ଅଞ୍ଚଳକୁ ଫେରିଥିବା ବିଡିଓ ନାଏକ ସୂଚନା ଦେଇଛନ୍ତି ା ସେମାନଙ୍କ ଉପରେ ସତର୍କ ଦୃଷ୍ଟି ରଖା ଯାଇଥିବା ବେଳେ ହୋମ କ୍ୱାରାଣ୍ଟାଇନରେ ରହିବାକୁ ତାଗିଦ କରାଯାଉଛି ା ବାହାରୁ ଆସିଥିବା ସମସ୍ତଙ୍କ ଘର କାନ୍ଥରେ ପ୍ରଶାସନ ପକ୍ଷରୁ ଷ୍ଟିକର ଲଗାଯାଇ ସେଠାକୁ ବାହାର ଲୋକଙ୍କୁ ଯିବା ପାଇଁ ବାରଣ କରାଯାଉଛି। ସେମାନଙ୍କ ସମ୍ପର୍କରେ କୌଣସି ତଥ୍ୟ ପ୍ରଘଟ ନ କରିବାକୁ କଡା ନିର୍ଦ୍ଦେଶ ଦିଆଯାଇଛି ା ଅନ୍ୟପକ୍ଷେ ପ୍ରଶାସନର କଡ଼ା ତାଗିଦ ପରେ ମଧ୍ୟ କଳାବଜାରୀଙ୍କ ପ୍ରାଦୁର୍ଭାବ କମିନାହିଁ ା ଅଞ୍ଚଳରେ ଖାଉଟି ସାମଗ୍ରୀର ଦରଦାମ ନିୟନ୍ତ୍ରଣ କରାଯାଇ ପାରୁ ନ ଥିତ୍ବା ଅଭିଯୋଗ ହେଉଛି।