ଭଟଲି,୧୯।୧୨(ଡି.ଏନ୍.ଏ.): ବରଗଡ଼-ଭଟଲି ମୁଖ୍ୟରାସ୍ତାରେ ପହଞ୍ଚିଛନ୍ତି ରାଜ୍ୟର ସ୍ବାର୍ଥ ଲାଗି ପଦଯାତ୍ରାରେ ବାହାରିଥିବା ଜଗତସିଂହପୁର ଜିଲା ବାଲିକୁଦା ବ୍ଲକ୍ ଅନ୍ତର୍ଗତ ଭଗବାନସିନ୍ଧୋଳ ଗ୍ରାମର ସତ୍ୟବ୍ରତ ଦାସ(୨୮)। ସେ ଗତ ଜୁଲାଇ ୧୦ ତାରିଖରୁ ଯାଜପୁର ଜିଲା ବଡ଼ଚଣା ବ୍ଲକ୍ରୁ ନିଜର ପଦଯାତ୍ରା ଆରମ୍ଭ କରିଛନ୍ତି। ଅଦ୍ୟାବଧି ୧୬୨ ଦିନରେ ୧୧୫ଟି ବ୍ଲକ୍ର ବିଡିଓଙ୍କୁ ଭେଟି ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଓଡ଼ିଶାକୁ ସ୍ବତନ୍ତ୍ର ରାଜ୍ୟ ପାହ୍ୟା ପ୍ରଦାନ, ମହାନଦୀ ଜଳ ସମସ୍ୟାର ତ୍ୱରିତ ସମାଧାନ ଏବଂ ପୋଲାଭରମ ପ୍ରକଳ୍ପ ସମ୍ପୂର୍ଣ୍ଣ ଭାବେ ବନ୍ଦ ଦାବିରେ ଏକ ଦାବିପତ୍ର ପ୍ରଦାନ କରୁଛନ୍ତି। ତେବେ ଏହି କ୍ରମରେ ସତ୍ୟବ୍ରତ ଗୁରୁବାର ଭଟଲି ବିଡିଓ ଧୀରେନ୍ଦ୍ର କୁମାର ସେଠୀଙ୍କୁ ମଧ୍ୟ ଏକ ଦାବିପତ୍ର ପ୍ରଦାନ କରିଛନ୍ତି। ତାଙ୍କର ଏହି ପଦଯାତ୍ରାକୁ ସାଧାରଣରେ ସ୍ବାଗତ କରାଯିବା ସହିତ ଭଟଲି ମାରୱାଡ଼ି ୟୁବାମଞ୍ଚ, ଶ୍ୟାମ ବିହାରୀ ମନ୍ଦିର କର୍ମକର୍ତ୍ତା ଏବଂ ବିଭିିନ୍ନ ଅନୁଷ୍ଠାନ ପକ୍ଷରୁ ସତ୍ୟବ୍ରତଙ୍କୁ ସମ୍ବର୍ଦ୍ଧିତ କରାଯାଇଥିଲା। ତେବେ ତାଙ୍କର ଏହି ପଦଯାତ୍ରା ନିଜ ବ୍ଲକ୍ ବାଲିକୁଦାରେ ସମାପ୍ତ କରିବେ ବୋଲି ପ୍ରକାଶ କରିଛନ୍ତି।